Actualitats
Trump ven de reconéisser la sobeiranetat de Marròc sul Sahara Occidental
En contrapartida, Marròc e Israèl son convenguts de reprene de “relacions diplomaticas plenas”
Lo president dels Estats Units, Donald Trump, signèt dijòus una proclamacion per reconéisser “la sobeiranetat marroquina sul Sahara Occidental”. Per Trump, la proposicion d’autonomia de Marròc es “l’unica basa per una solucion justa e duradissa per garentir la patz”, e lo cap actual de l’executiu estatsunidenc a justificat sa decision pel fach que “Marròc reconeguèt los Estats Units en 1777”. “Per tant, çò apond, es apropriat que nosautres reconescam sa sobeiranetat sul Sahara Occidental”.
Lo president estatsunidenc anoncièt tanben que, en consequéncia, Marròc e Israèl èran convenguts de reprene de “relacions diplomaticas plenas”.
Tot aquò arriba qualques jorns après que se rompèt la trèva entre Marròc e la Republica Aràbia Saharauí Democratica (RASD) que durava dempuèi d’annadas.
L’ÒNU reconeis lo Sahara Occidental coma un territòri de descolonizar, e divèrsas resolucions de son Conselh de Seguretat defendon la tenguda d’un referendum d’autodeterminacion.
Lo president estatsunidenc anoncièt tanben que, en consequéncia, Marròc e Israèl èran convenguts de reprene de “relacions diplomaticas plenas”.
Tot aquò arriba qualques jorns après que se rompèt la trèva entre Marròc e la Republica Aràbia Saharauí Democratica (RASD) que durava dempuèi d’annadas.
L’ÒNU reconeis lo Sahara Occidental coma un territòri de descolonizar, e divèrsas resolucions de son Conselh de Seguretat defendon la tenguda d’un referendum d’autodeterminacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Què es pot esperar d'un folh com el ? Abans de partir farà totas las fachistadas que sabrà. Cap de fava !
Quin pòd creser e demorar eths " sentiments bons e umanistas" d'aqueth Donald Trump. Entà d'eth, sonque eth sauses e eth poder que pòrten, interessen ad'aqueth "Nacissa patològic".
Darrèr dera còsta dera mar granda, qu'ei eth Saharà, damb eth GAZ e eth PETRÒLI.
Ja deth temps dera Guerra d'Independença d'Algeria (1950-1962) eths Estats Units luavien d'aqueth costat, e que hasien pressions sus DeGaule.
Damb uns pòrts tau eth de Fòs de Camarga entre Mauritania e Marròc, qu'an eth gamin mès brac entà controlar e miar eras energias, cap ara part atlantica deth monde - qu'ei eth sòn terren de jòc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari