Sièis personas son inculpadas en seguida de la mòrt de l'ors Cachou, que son cadavre foguèt trobat a Les (Quate Lòcs) lo 9 d'abril passat. E mai l'instruccion judiciària foguèsse secreta, lo jutge de Vielha n'a desvelat una part segon la quala l'animal seriá estat empoisonat amb d'antigèl. Per ara, lo jutge a entendut 15 testimònis.
 
Demest los sièis inculpats i a un conselhièr general d'Aran, dos foncionaris del Conselh General e un abelhaire. Fan partida d'una plataforma antiors de la Val d'Aran que se creèt sus WhatsApp e que ten 114 membres.
 
Segon l'enquista, un dels acusats diguèt sus aquela plataforma e quitament dins lo quite sèti del Conselh General d'Aran que voliá empoisonar l'ors amb d’antigèl. De fach, segon la necropsia incorporada a l'instruccion lo 17 d'abril passat, l'ors seriá estat empoisonat amb una substància que se tròba dins l'antigèl emplegat per las veituras.
 
Per empoisonar l'ors, se serviguèron d'un cèrvi per l'atraire, puèi pausèron d'escas amb d'antigèl.
 
Segon mai d’un grop ecologista, i auriá agut una conspiracion per tuar Cachou que la sostenon lo govèrn aranés e quitament d'associacions antiors de l'autre costat de la frontièra politica.
 
Dins un primièr moment, lo govèrn d’Aran raportèt que la possibla causa de la mòrt de l’ors èra estada una casuda de 40 mètres après l’ataca d’un autre ors. Puèi, assegurèt que se prononciariá pas sus la causa de la mòrt de Cachou.
 
Ara, lo Conselh General d'Aran ven de comunicar que se presentarà coma partida civila dins l'instruccion e que farà una enquista "entà escartar possibles actuacions e actituds que non complisquen damb era professionalitat e rigor que se demore d’un trabalhador public".
 
 
Un ors agressiu que n’avián demandat l’extraccion
 
Se parlèt fòrça de Cachou a causa de sas atacas. En setembre 2019, lo sindic d’Aran d'alavetz, Francés Boya, exigiguèt “era extraccion immediata der os Cachou”. Divèrsas manifestacions de païsans e elevaires o demandèron tanben. Las autoritats de la Generalitat de Catalonha responsablas del programa de reïntroduccion de l’ors dins los Pirenèus avalorèron aquela possibilitat. Mentretant, apliquèron a una carronha un fungicida que li provoquèt de vòmits. Aquò lo persuadiguèt d’atacar pas pus d’animals e a partir d’octòbre n’aviá pas agarrit cap d’autre. Òr, aquel metòde poiriá èsser al centre de la polemica.
 
 
Una mòrt polemica
 
La mòrt de Cachou es totjorn seguida de polemica. Après la necropsia demandada pel Conselh General d’Aran, quatre associacions demandèron una segonda necropsia que permetèsse d’esclarzir las causas de la mòrt, car acusavan lo Conselh General d’Aran d’aver privilegiat una version interessada de la mòrt del plantigrad.
 
La primièra necropsia facha del còrs de l’animal non portèt pas de resultats conclusents. En seguida, lo govèrn d’Aran afirmèt que la possibla causa de la mòrt de l’ors èra estada una casuda de 40 mètres après l’ataca d’un autre ors. Mas los collectius Ipcena, Seo Birdlife, Fapas e la Federacion Ecologista de Catalonha èran convencuts de l’empoisonament de l’ors e demandèron que se tornèsse analisar las rèstas del cadavre. Los ecologistas se basavan sul fach que lo còrs del plantigrad presentava pas de nafraduras de cap d’ataca mas lo sorire sardonic que mòstran los mamifèrs quand morisson empoisonats.
 
Lo Conselh General d’Aran reconeguèt qu’en octòbre de 2019 passat avián aplicat de produches quimics a una carronha que la mangèt l’ors per li provocar de vòmits e lo persuadir d’atacar pas pus d’animals. L’usatge d’aqueles produches quimics inquietèt las associacions ecologistas; cresián qu’es çò qu’auriá tuat l’ors e crenhián qu’aguèsse d’efièches nocius sus d’autras espècias.

 

 

Comunicat deth Conselh Generau d’Aran deuant eth lheuament parciau deth secrèt de somari ena investigacion dera mòrt der os Cachou e era injusta acusacion de quauqui sectors en relacion ara labor d’aguesta institucion: https://t.co/0Ija2LN6Nppic.twitter.com/Ju0FUpKoc9

— Conselh Generau Aran (@conselharan) December 11, 2020

 

Diversos testimonis asseguren que un conseller del @conselharan va dir públicament que mataria ossos amb #anticongelant. Ho recull el #sumari del cas de la mort de #Cachou aixecat parcialment per la jutgessa https://t.co/wC3R2eqaThpic.twitter.com/5iBfvzrs5D

— ACNPirineuAran (@ACNPirineuAran) December 11, 2020

 

El @conselharan es presentarà com a acusació particular a la causa de la mort de l' #os#Cachou. El govern aranès farà una #auditoria per a descartar actituds "no concordes" a la professionalitat d'un treballador https://t.co/p60xNdXhhGpic.twitter.com/5hvoxwN6Fb

— ACNPirineuAran (@ACNPirineuAran) December 11, 2020

 

[] El Consell General d'Aran va mentir a la premsa i hauria prevaricat sobre l'assassinat de #Cachou.

El govern aranès tenia indicis sobrats per a considerar l'enverinament abans que la jutge decretés el secret de sumari.#AltPirineuAranAndorra
https://t.co/ouXxALMuqvpic.twitter.com/lWhvwczXoT

— Nova Eucària (@NovaEucaria) December 11, 2020

 

El oso #Cachou envenenado con anticongelante en el Valle de Arán, tiene toda una trama mafiosa detrás.

#Cachou enverinat amb anticongelant a la Vall d'Aran, té tota una trama mafiosa darrere. Si això succeeix amb una espècie estrictament protegida, què no passarà amb el llop? pic.twitter.com/t9BaWqdzDO

— Proyecto Lobo: Voluntariado Censo Lobo Ibérico (@CensoLobo) December 10, 2020