Benlèu vos n’avisatz pas, mas quora parlatz, escupissètz. L’escupit, le postillon. Pareis qu’es l’escupit que fa passar la covid d’una boca a l’autra! Es per aquò que ieu, coma escupissi fòrça, me teni luènh de vosautres.
 
Mas i a escupit e escupit. I a doas menas d’escupit: l’escupisson e l’escupiturbo. L’escupisson es fenhantàs, carreja pas gaire la covid. Avèm cinc escupissons: a, e, i, o, u, coma dins la cançon.
 
Puèi avèm los escupiturbos. “B” e “P” s’escupisson amb las pòtas, avec les lèvres, son doncas d’escupiturbos pòtas. Dison que per alentir l’escupiturbo pòta “B” cal l’escupir “M”. Del còp “Bonjorn” ven “Monjorn”. Per alentir l’escupiturbo pòta “P” cal l’escupir “M”. “Papà” ven “Mamà”! Aital: “Bonjorn, papà” ven “Monjorn, mamà!”
 
Contunhem amb l’escupiturbo dent. “D” e “T” s’escupisson amb las dents, son doncas d’escupiturbos dents. Dison que per alentir l’escupiturbo dent “D” cal l’escupir “N”. Del còp “Diga!” ven “Niga!». Per alentir l’escupiturbo dent “T” cal l’escupir “N”. “Tabanàs” ven “Nabanàs”! Aital: “Diga, tabanàs!” ven “Niga, nabanàs!”
 
Al primièr confinhament, sabètz totas e totes qu’en Occitanià avèm agut mens de malauts de la covid qu’endacòm mai. Escopissèm mens que los autres? Bogre que non! Barjacaires que sèm! Francament, sabètz perqué?... Avèm mens de menas d’escupits que los franceses! N’avèm tres de mens. “W” e “Z” e subretot lo “K” l’escupissèm pas jamai!
 
Es per aquò qu’aguèrem mens de “K”!
 
 
 
 
Clamenç
umorista de lenga occitana

 
 
 
 
  

---

Partejatz lo confinament amb la rèsta de legeires

Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
        
     
                                                                                                                                                                                                                                                                                                                                                                                         

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.             As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...              Convivéncia e paratge en confinament.