capçalera campanha

Actualitats

InternacionalSocietat

La revista Time a distinguit Assa Traoré coma Gardiana de l’An

Aquela consideracion demanda “a França de prene sas responsabilitats” sus l’afar de las violéncias policièras

| Time
La revista estatsunidenca Time a distinguit Assa Traoré amb lo títol de Gardiana de l’An, una consideracion que demanda “a França de prene sas responsabilitats” sus l’afar de las violéncias policièras, totjorn que mai inquietantas. Dins son tradicional numèro de fin de l’annada, que lo consagra la celèbra revista a las femnas e òmes qu’an fach l’actualitat dins l’annada, Assa Traoré es estada designada “Guardian of the Year”, al costat d’autras organizacions e militants antiracistas.
 
“Es un onor que me fa Time, una consecracion pel combat que menam dempuèi la mòrt de mon frairon”, çò a dich Assa. A creat lo comitat dich “La vertat per Adama”, qu’amassa de milièrs de personas que vòlon que s’esclarisca las causas e las responsabilitats de la mòrt de son fraire. “Quand se vei que França a reduch nòstre combat a d’insultes e d’acusacions, avèm besonh qu’una consecracion venga de l’estrange”, çò a apondut Assa Traoré, que n’a profechat per denonciar las violéncias policièras.
 
Assa Traoré es la sòrre d’Adama Traoré, un jove de 24 ans defuntat lo 19 de julhet de 2016 dins la gendarmariá de Persan, al nòrd de París, après èsser detengut per la polícia francesa. Sa mòrt prenguèt una amplor mediatica quand diferentas denóncias foguèron depausadas pertocant un possible omicidi involontari, de supausadas empachas a l’enquista e non-assisténcia a persona en perilh.
 
L’eveniment suscitèt de nombrosas reaccions politicas e sas rebombidas judiciàrias son objècte d’una importanta mediatizacion, que relança especialament un debat sus l’utilizacion del placatge ventral durant las interpelacions policièras. En 2019, la justícia ordenèt una novèla expertesa medicala sus l’origina de la mòrt d’Adama Traoré.
 
 

 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Los riscs del mestièr
6.

#5 Perque creses qu'aquel se seria geinat per ne faire autant ?

  • 10
  • 0
Josefina Castanet
5.

#3 S'èra un criminal, la polícia aviá lo dreit de l'aucir?

  • 16
  • 16
Boudou
4.

#3 Segur qu'es una falsificacion, mas siái pas espantat vist la reputacion d'extrèma-esquèrra de Jornalet e d'una bona part dels legeires... mas bon, la veritat fa mal.

  • 19
  • 4
Alpha Ben
3.

Aquelas 105 pocejadas rojas al comentari de Boudou son una falsificacion pura e simpla. Cal pas quichar ! I-a PAS 105 legeires que se serian escalustrats d'aquesta precision tras que justa de Boudou. Recomandi calorosament al censor desconegut ( ?? en esperant que siague pas Jornalet !!) de commençar per s'assabentar sul pedigree efectivament criminal de la fratria Traoré (raubaments, viols, extorsion de fonds,braquatges...) abans de jogar a l'espaurugat terrorisat d'esser estampilhat racista. Es pas la color que fai lo maufatan o l'inocent. Es a-n-aquel manipoli que joga la sorre d'aquel bandit. Ela a plan sauput embobinar los americans , encantats de poder faire un pauc doblidar l'orre racisme american sus l'aire de " los autres tanben fan parrièr, alara..." L'antiracisme es una bona, una plan bona causa e la veire "desfenduda" per aquel marrit exemple l'ajuda pas. Al contrari, portarà d'aiga al molin de totis los racistas.

  • 28
  • 14
Rigobèrt
2.

#1

D’autre brave mond an tanben fach la una del Times :

1931 Pierre Laval

1938 Hitler

1939 & 1942 Staline 9 milhons de mòrts

1979 L’ayatollah Khomeini

2001 Oussama Ben Laden manquèc de pauc de pujar sul pòdium, fusquèc lo Conse de New-York que li poguèc mai !

  • 21
  • 9

Escriu un comentari sus aqueste article