Encara una jornada redusida pel campionat d’Elèit 1 de XIII. Dragonets-Albi se tenguèt pas, que cèrts jogaires tarneses èran positius al tèst de la covid. Aprèp las pluèjas de dijòus e divendres, la comuna de Limós decidiguèt que se podiá pas jogar aqueste dimenge a l’Agulha lo rescontre entre los locals e Vilanòva.
Dissabte, lo terren èra plan trempe a Sent Gaudenç, mas la partida se debanèt entre los Orses e Palau. Lo rescontre foguèt equilibrat. Fin finala, Sent Gaudenç s’impausèt 14-10.
Dimenge, Avinhon ganhèt largament a Tolosa: 36-10.
L’aficha bèla de la jornada èra lo dèrbi entre Lesinhan e Carcassona al Molin. La partida tenguèt totas sas promessas. Las doas esquipas prepausèron un jòc dobèrt, ofensiu e atractiu. Dins lo primièr temps, Lesinhan se mostrèt mai realista per menar, aprèp dos ensages transformats, 12-0 a la pausa. Dins lo segond temps, una intercepcion permetèt als Verd e Blanc de portar lor avantatge a 16-0. Carcassona marquèt dos ensages per tornar a 12-16. Lesinhan ajustava una penalitat; Carcassona marcava son tresen ensag e temptava de capvirar la marca. Mas una darrièra penalitat balha la victòria als Molinièrs: 20-16. Morala: òm a de mai en mai enveja de seguir las partidas dins los estadis e non pas dins las retransmissions Morre-de-Boc o Vòstre-Tudèl!
Al programa de la darrièra dimenjada esportiva de l’an: Avinhon-Carcassona (que deuriá èsser retransmés per viàOccitanie), Lesinhan-St Gaudenç, Albi-Limós, lo dèrbi de la Garona: Vilanòva-Tolosa e lo dèrbi catalan: Palau-Dragonets.
Un president novèl a la Federacion
Dissabte, se debanavan per mejan electronic las eleccions a la Federacion. Dins un primièr temps, los representants dels clubs adoptavan lo rapòrt financièr de la còla sortenta. Per la presidéncia, la causida se portava largament sus un nòuvengut dins lo monde tretzista, Luc Lacòsta. Aprèp una campanha electorala viva entre las tres listas candidatas, s’espèra una federacion de las energias per far viure e desvolopar la practica del rugbi de XIII.
Tolosa demòra en Championship
Aqueste diluns, la comission de seleccion de la dotzena formacion de Super-Liga per la sason 2021 rendiá son verdicte.
Entre las 6 candidaturas presentadas, causiguèt los Centurions de Leigh per remplaçar Toronto. Se Tolosa vòl jogar en Super-Liga en 2022, li demòra qu’una solucion: remportar la competicion del Championship.
Alan Roch
Dissabte, lo terren èra plan trempe a Sent Gaudenç, mas la partida se debanèt entre los Orses e Palau. Lo rescontre foguèt equilibrat. Fin finala, Sent Gaudenç s’impausèt 14-10.
Dimenge, Avinhon ganhèt largament a Tolosa: 36-10.
L’aficha bèla de la jornada èra lo dèrbi entre Lesinhan e Carcassona al Molin. La partida tenguèt totas sas promessas. Las doas esquipas prepausèron un jòc dobèrt, ofensiu e atractiu. Dins lo primièr temps, Lesinhan se mostrèt mai realista per menar, aprèp dos ensages transformats, 12-0 a la pausa. Dins lo segond temps, una intercepcion permetèt als Verd e Blanc de portar lor avantatge a 16-0. Carcassona marquèt dos ensages per tornar a 12-16. Lesinhan ajustava una penalitat; Carcassona marcava son tresen ensag e temptava de capvirar la marca. Mas una darrièra penalitat balha la victòria als Molinièrs: 20-16. Morala: òm a de mai en mai enveja de seguir las partidas dins los estadis e non pas dins las retransmissions Morre-de-Boc o Vòstre-Tudèl!
Al programa de la darrièra dimenjada esportiva de l’an: Avinhon-Carcassona (que deuriá èsser retransmés per viàOccitanie), Lesinhan-St Gaudenç, Albi-Limós, lo dèrbi de la Garona: Vilanòva-Tolosa e lo dèrbi catalan: Palau-Dragonets.
Un president novèl a la Federacion
Dissabte, se debanavan per mejan electronic las eleccions a la Federacion. Dins un primièr temps, los representants dels clubs adoptavan lo rapòrt financièr de la còla sortenta. Per la presidéncia, la causida se portava largament sus un nòuvengut dins lo monde tretzista, Luc Lacòsta. Aprèp una campanha electorala viva entre las tres listas candidatas, s’espèra una federacion de las energias per far viure e desvolopar la practica del rugbi de XIII.
Tolosa demòra en Championship
Aqueste diluns, la comission de seleccion de la dotzena formacion de Super-Liga per la sason 2021 rendiá son verdicte.
Entre las 6 candidaturas presentadas, causiguèt los Centurions de Leigh per remplaçar Toronto. Se Tolosa vòl jogar en Super-Liga en 2022, li demòra qu’una solucion: remportar la competicion del Championship.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari