Actualitats
La justícia espanhòla tornarà jutjar Arnaldo Otegi après reconéisser qu'aguèt pas un jutjament just
Otegi e los autres jutjats per l'afar Bateragune an passat sièis ans e mièg en preson. La Cort Europèa dels Dreches Umans condemnèt Espanha per aver mancat a de dreches fondamentals
La justícia espanhòla jutjarà tornarmai Arnaldo Otegi, Rafael Díez Usabiaga, Arkaitz Rodríguez Torres, Sonia Jacinto Garcia e Miren Zabaleta Tellería, après que la Cort Suprèma espanhòla a reconeguda son error dins l’afar Bateragune e a anullada la senténcia. La decision de lo tornar jutjar seguís la demanda del ministèri public.
En aquel jutjament, Otegi foguèt condemnat per un delicte d’apertenéncia a ÈTA. Foguèt encarcerat sièis ans e mièg. Un còp acabada la pena, la Cort Suprèma espanhòla anullèt la condemnacion en seguida del verdicte de la Cort Europèa dels Dreches Umans de l’Union Europèa (CÈDU) que senhalava un procès injust.
La CÈDU denoncièt Espanha per manca d’imparcialitat
En novembre de 2018, la cort Europèa dels Dreches Umans de l’Union Europèa (CÈDU) prononcièt una senténcia contra la justícia espanhòla per aver pas garentit un jutjament just a Arnaldo Otegi. La cort d’Estrasborg conclusiá que lo tribunal espanhòl que lo jutgèt per un delicte d’apertenéncia a ÈTA respectèt pas los dreches fondamentals d’Otegi, que passèt sièis ans embarrat en preson e que puèi foguèt condemnat a dètz ans d’inelegibilitat.
La senténcia europèa declarava que s’èra producha una violacion de l’article 6.1 de l’Acòrdi Europèu dels Dreches Umans contra Arnaldo Otegi, Jacinto García, Rafael Díez Usabiaga, Miren Zabaleta Tellería e Arkaitz Rodríguez Torre, totes condemnats dins aquel procès. Totes denoncièron a la CÈDU per manca d’imparcialitat la jutgessa presidenta del tribunal que los condemnèt.
Sièis ans e mièg en preson per aver creat un espaci politic
Embarrat en preson sièis ans e mièg per aver volgut crear un espaci politic ont i aguèsse pas de plaça per la violéncia, lo cap independentista basco foguèt acusat d’aver ensajat de rebastir lo partit illegalizat Batasuna. Cal dire que Batasuna foguèt pas jamai illegal en Euskadi Nòrd, e i tenguèt normalament son activitat fins a la data de sa dissolucion, anonciada a Baiona lo 3 de març de 2013.
Otegi sortiguèt de la preson lo 1r de març de 2016, e l’estat espanhòl l’invalidèt politicament fins en 2021. Ça que la, Otegi demandèt l’opinion de la Cort Europèa dels Dreches Umans.
En aquel jutjament, Otegi foguèt condemnat per un delicte d’apertenéncia a ÈTA. Foguèt encarcerat sièis ans e mièg. Un còp acabada la pena, la Cort Suprèma espanhòla anullèt la condemnacion en seguida del verdicte de la Cort Europèa dels Dreches Umans de l’Union Europèa (CÈDU) que senhalava un procès injust.
La CÈDU denoncièt Espanha per manca d’imparcialitat
En novembre de 2018, la cort Europèa dels Dreches Umans de l’Union Europèa (CÈDU) prononcièt una senténcia contra la justícia espanhòla per aver pas garentit un jutjament just a Arnaldo Otegi. La cort d’Estrasborg conclusiá que lo tribunal espanhòl que lo jutgèt per un delicte d’apertenéncia a ÈTA respectèt pas los dreches fondamentals d’Otegi, que passèt sièis ans embarrat en preson e que puèi foguèt condemnat a dètz ans d’inelegibilitat.
La senténcia europèa declarava que s’èra producha una violacion de l’article 6.1 de l’Acòrdi Europèu dels Dreches Umans contra Arnaldo Otegi, Jacinto García, Rafael Díez Usabiaga, Miren Zabaleta Tellería e Arkaitz Rodríguez Torre, totes condemnats dins aquel procès. Totes denoncièron a la CÈDU per manca d’imparcialitat la jutgessa presidenta del tribunal que los condemnèt.
Sièis ans e mièg en preson per aver creat un espaci politic
Embarrat en preson sièis ans e mièg per aver volgut crear un espaci politic ont i aguèsse pas de plaça per la violéncia, lo cap independentista basco foguèt acusat d’aver ensajat de rebastir lo partit illegalizat Batasuna. Cal dire que Batasuna foguèt pas jamai illegal en Euskadi Nòrd, e i tenguèt normalament son activitat fins a la data de sa dissolucion, anonciada a Baiona lo 3 de març de 2013.
Otegi sortiguèt de la preson lo 1r de març de 2016, e l’estat espanhòl l’invalidèt politicament fins en 2021. Ça que la, Otegi demandèt l’opinion de la Cort Europèa dels Dreches Umans.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'ha d'invalidar la sentencia e indemnizar a Otegui per aver estat condemnat a preson injustament.
Jornalet , los paupilhs emplenats de vuèg ! çò qu’atreva los occitans pòble sosmés son la vaccinacion pel COVID-19 e la prima de Nadal reversada per l’estat pels qu’an lo RSA, l’ASS, l’AER ongan sarà dentre 142 e 400€ segond la situacion.
Subretot lo revengut dich universal… aquò rai t’an pas parlat de la contrapartida çaquelà ! òu empega vai !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari