Actualitats
Boko Haram a raubat mai de 300 estudiants d’una escòla segondària
Es la primièra accion d'aquesta portada que la sècta jihadista fa dins lo nòrd-oèst de Nigèria. Fins ara lo grop jihadista agissiá sustot dins lo nòrd-èst
Sièis ans après aver raubat aperaquí 300 dròllas, ara lo grop jihadista nigerian Boko Haram ven de far subir lo meteis sòrt a mai de 300 escolans d'una escòla d'educacion segondària. Los gojats los raubèron divendres passat d'un internat de l'Escòla Segondariá de Sciéncias del Govèrn, una escòla masculina situada dins la vila de Kankara, dins l'estat de Katsina, dins lo nòrd-oèst de Nigèria. Un total de 333 escolans an desaparegut, segon çò que raportèron diluns las autoritats de Katsina, en precisar que l'escòla lotjava 839 escolans.
Ara, lo grop terrorista ven de difusar un messatge de son cap, Abubakar Shekau, ont aqueste s'atribuís lo raubament. "Çò que se passèt en Katsina se faguèt per promòure l'islam e descoratjar las practicas non islamicas, pr'amor que l'educacion occidentala es pas lo tipe d'educacion permesa per Dieu e son sant Profèta", çò diguèt Shekau.
Lo governador de Katsina, Aminu Bello Masari, après s'amassar amb lo president de Nigèria, Muhammadu Buhari, a dich que l'organizacion terrorista e las autoritats de l'estat an establit contacte e an discutit sus la seguretat e lo retorn dels escolans. Bello Masari assegura un "progrès constant" dins las proceduras per los socórrer "indemnes". Mas Boko Haram a assegurat als mèdias qu'an pausat pas cap de condicion per la liberacion dels gojats.
Los parents dels estudiants an demandat a las autoritats d'intensificar lors esfòrces per garentir lo socors de lors enfants lèu-lèu.
Suls rets socials s'emplega ara l'etiqueta #BringBackOurBoys ("Tornatz nòstres gojats"). Una campanha similara al #BringBackOurGirls (“Tornatz-nos nòstras gojatas”) a prepaus de las 276 gojatas raubadas per Boko Haram en 2014. A l'ora d'ara, 112 d'aquelas gojatas son totjorn consideras desaparegudas.
Es la primièra accion d'aquesta portada que Boko Haram fa dins lo nòrd-oèst de Nigèria. Fins ara lo grop jihadista agissiá sustot dins lo nòrd-èst.
30 000 assassinats dins los darrièrs 10 ans
Boko Haram foguèt fondat en 2002. Dins los darrièrs dètz ans aquel grop armat a assassinat 30 000 personas. Ten qualques milièrs de milicians que semenan la terror dins l’estat federal de Nigèria e tanben en Cameron, Nigèr e Chad. Combaton l’administracion nigeriana, tant l’armada coma las escòlas e las universitats amb la tòca d’impausar una dictadura integrista religiosa basada sus l’islam pus radical.
Boko Haram vòl dire en lenga hausa “l’educacion occidentala es un pecat”. Per illustrar aquel nom, en 2014 sequestrèt dins d’òrras condicions 237 liceanas de Chibok, çò qu’esmoguèt la comunautat internacionala. Boko Haram anoncièt un acòrdi de liberacion per dire, fin finala, que las joventas èran estadas maridadas e convertidas a l’islam. Una liceana qu’aviá capitat a fugir contèt que sas camaradas èran violadas e que devián acceptar de se far musulmanas se volián pas èsser escoteladas.
Nigèria es lo país mai poblat d’Africa(a l’entorn de 170 milions d’estatjants). Produtz de petròli que solament ne benefícia un quart de la populacion. Lo país patís de problèmas de corrupcion e de fugida dels capitals qu’aumentan las tensions etnicoreligiosas.
Dins lo nòrd de Nigèria, de majoritat musulmana —los crestians son majoritaris dins lo sud—, la sècta Boko Haram, qu'assagèt una insurreccion dins los estats del nòrd en 2009, s’illustra tristament per de mesfaches sovent qualificats de crimes contra l’umanitat: destruccion de glèisas o de vilatges, atemptats contra d’estacions de trens o d’ostalariás, chaples de populacions, en particular crestianas, minoritàrias dins l’airal.
Ara, lo grop terrorista ven de difusar un messatge de son cap, Abubakar Shekau, ont aqueste s'atribuís lo raubament. "Çò que se passèt en Katsina se faguèt per promòure l'islam e descoratjar las practicas non islamicas, pr'amor que l'educacion occidentala es pas lo tipe d'educacion permesa per Dieu e son sant Profèta", çò diguèt Shekau.
Lo governador de Katsina, Aminu Bello Masari, après s'amassar amb lo president de Nigèria, Muhammadu Buhari, a dich que l'organizacion terrorista e las autoritats de l'estat an establit contacte e an discutit sus la seguretat e lo retorn dels escolans. Bello Masari assegura un "progrès constant" dins las proceduras per los socórrer "indemnes". Mas Boko Haram a assegurat als mèdias qu'an pausat pas cap de condicion per la liberacion dels gojats.
Los parents dels estudiants an demandat a las autoritats d'intensificar lors esfòrces per garentir lo socors de lors enfants lèu-lèu.
Suls rets socials s'emplega ara l'etiqueta #BringBackOurBoys ("Tornatz nòstres gojats"). Una campanha similara al #BringBackOurGirls (“Tornatz-nos nòstras gojatas”) a prepaus de las 276 gojatas raubadas per Boko Haram en 2014. A l'ora d'ara, 112 d'aquelas gojatas son totjorn consideras desaparegudas.
Es la primièra accion d'aquesta portada que Boko Haram fa dins lo nòrd-oèst de Nigèria. Fins ara lo grop jihadista agissiá sustot dins lo nòrd-èst.
30 000 assassinats dins los darrièrs 10 ans
Boko Haram foguèt fondat en 2002. Dins los darrièrs dètz ans aquel grop armat a assassinat 30 000 personas. Ten qualques milièrs de milicians que semenan la terror dins l’estat federal de Nigèria e tanben en Cameron, Nigèr e Chad. Combaton l’administracion nigeriana, tant l’armada coma las escòlas e las universitats amb la tòca d’impausar una dictadura integrista religiosa basada sus l’islam pus radical.
Boko Haram vòl dire en lenga hausa “l’educacion occidentala es un pecat”. Per illustrar aquel nom, en 2014 sequestrèt dins d’òrras condicions 237 liceanas de Chibok, çò qu’esmoguèt la comunautat internacionala. Boko Haram anoncièt un acòrdi de liberacion per dire, fin finala, que las joventas èran estadas maridadas e convertidas a l’islam. Una liceana qu’aviá capitat a fugir contèt que sas camaradas èran violadas e que devián acceptar de se far musulmanas se volián pas èsser escoteladas.
Nigèria es lo país mai poblat d’Africa(a l’entorn de 170 milions d’estatjants). Produtz de petròli que solament ne benefícia un quart de la populacion. Lo país patís de problèmas de corrupcion e de fugida dels capitals qu’aumentan las tensions etnicoreligiosas.
Dins lo nòrd de Nigèria, de majoritat musulmana —los crestians son majoritaris dins lo sud—, la sècta Boko Haram, qu'assagèt una insurreccion dins los estats del nòrd en 2009, s’illustra tristament per de mesfaches sovent qualificats de crimes contra l’umanitat: destruccion de glèisas o de vilatges, atemptats contra d’estacions de trens o d’ostalariás, chaples de populacions, en particular crestianas, minoritàrias dins l’airal.
Pictures of Peaceful protest at Kankara LGA, Katsina state where secondary schools students were abducted by armed bandits #BringBackOurBoyspic.twitter.com/dqK4K7jpBs
— Safiyanu (@_Sufy2) December 13, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dempuéi la mòrt del paure Samuel Paty, son 800 senhalament de l"educacion nacionala
Per radicalusme islamic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari