Actualitats
Lo Grop ÒC presenta son primièr videoclip
Rodat en libertat dins l’encastre dels estanhs de Bajas e Peiriac de Mar e jogant amb los rais del solelh levant, lo clip se presenta amb de sostítols en anglés e francés
“De bon matin suls estanhs, la vida se revelha”, çò ditz la cançon del primièr videoclip del Grop ÒC, que ven de sortir coma present de Nadal. Rodat en libertat dins l’encastre dels estanhs de Bajas e Peiriac de Mar e jogant amb los rais del solelh levant, lo videoclip se presenta amb de sostítols en anglés e francés.
Fondat en 1999 a Argelièrs (Menerbés), lo Grop ÒC es conegut per sos espectacles impressionants de musica e de lum que fan divulgacion de l’istòria e de la civilizacion occitanas dels trobadors e de la Crosada fins a la Revòlta dels Vinhairons en passant pel “Sòmi de Pau Riquet”.
E mai ajan 21 ans d’istòria, lo Grop ÒC sortís ara son primièr videoclip. Esperam, totun, de poder tornar veire lors espectacles istorics en dirècte lèu-lèu.
Fondat en 1999 a Argelièrs (Menerbés), lo Grop ÒC es conegut per sos espectacles impressionants de musica e de lum que fan divulgacion de l’istòria e de la civilizacion occitanas dels trobadors e de la Crosada fins a la Revòlta dels Vinhairons en passant pel “Sòmi de Pau Riquet”.
E mai ajan 21 ans d’istòria, lo Grop ÒC sortís ara son primièr videoclip. Esperam, totun, de poder tornar veire lors espectacles istorics en dirècte lèu-lèu.
 | Gropue OC. HERITAGE. Digipack CD + MP3 nauta qualitat/nauta definicion, libret de 32 paginas amb de tèxtes en occitan, francés, anglés e espanhòl. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La imatges son polidas e lo que disen es agradiu, mas la forma d'o dire es pot melhorar e poder treure mai profit. Los sons musicals de l' e neutra, es força agradiva, per mi mai que "l'o"dialectala.
#7 tiò
Bèls los imatges, un rendut professional. La melodia passa plan. Lo son, coma de costuma amb ÒC, es bon. Mas las paraulas non se devon contentar d'èsser en occitan : deurián far sens. Aquí, lo tèxte de la cançon me sembla un pauc feblòt, coma es fòrça sovent lo cas en francés e en anglés amb tot çò que vira en redond suls medias "mainstream"… Tròbi aquò un pauc regretable, amb una polida realizacion coma aquesta.
Lo contra-exemple es la realizacion magnifica d'Amic Bedèl sus Montsegur 1244, amb los cantaires gascons Vox Bigerri quand i cantan un epigramma de'N Renat Nelli. Aquí, la cançon portava un messatge poderós e la beutat dels images o rebatiá.
Lo simpatic grop ÒC a ja cantat Nelli, el tanben : me sembla qu'aurián degut continuar.
Unes se trufa ara dels cantaries de la guitarra de las annadas 70. Mas se tornatz legir lors tèxtes, i trobaretz I. Roqueta, J. Bodon, M. Chapduèlh, J. Dau Melhau, sense parlar de J.P. Verdièr qu'èra el-meteis un paraulièr anarquista. Me sembla sovenir tanben de J.M. Carlòti quand cantavan Lafont, per exemple. Lo fons de la cançon occitana, en matèria de paraulas, es fòrça ric. S. Hurtado-Ros, M. Batbie, G. Zuchetto, E. Fraj cantan encara los poètas. Pauc impòrta las idèas que mai vos agradan o vos inspiran : mas cantar per dire simplamment que lo solelh se lèva, aquò me sembla un pauc leugièr, coma messatge, non ? Nos cal mai d'ambicion artistica, a cada nivèl.
#5 entà agradà'm que cau lo tresau còp que sii: " le bite que's deishude"
Tres cops repeteissen: De bon matin dins los estancs, la vida se revelha. Doncs lo primer cop que digan "la vido se revelho. Lo segon pic: la vid(oe) se revelh(oe). E lo tercer pic: la vida se revelha. E auran una mostra de las tres pronunciacion de la lenga d'Oc e agradarà a mai gent, tant a Tolosa, Monpelhier, Besiers, Niça, Narbona, Aran, Marselha, Las Landas, Clar Mont, Bigorra, Lemotges,....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari