Actualitats
Sosten del Parlament Europèu a l’iniciativa ciutadana per protegir las lengas minorizadas
Ara la Comission Europèa deu anonciar sa posicion sus Minority Safepack abans lo 15 de genièr que ven
Lo Parlament Europèu a aprovat una resolucion de sosten a l’iniciativa ciutadana europèa Minority Safepack, çò rapòrta Nationalia. De remembrar qu’aquela iniciativa, a amassat entre los ans 2017 e 2018 aperaquí 1,2 milion de signaturas e cèrca que l’Union Europèa prenga en compte los dreches lingüistics de las minoritats e ne promoga una legislacion adeqüata.
Minority Safepack se suspendèt en novembre de 2018 fins al cambiament de la legistlatura car l’Union Federala de las Nacionalitats Europèas (FUEN segon sa sigla anglesa) se mesfisava de la Comission Europèa (CE) d’alavetz e preferissiá d’esperar un pauc.
Ara, amb lo larg sosten de l’eurocambra, qu’a votat la resolucion de sosten per 524 vòtes en favor, 67 contra e 103 abstencions, la FUEN remarca “una granda reüssida”. E mai la resolucion obligue pas la Comission Europèa de prene cap de mesura, si que deu anonciar sa posicion sus Minority Safepack abans lo 15 de genièr venent.
Demest d’autras revendicacions, l’iniciativa demanda la reconeissença dels territòris nacionals, dont los Païses Catalans o Occitània (la nacion, non pas la region). Minority Safepack recep lo sosten e l’engatjament de fòrça collectius e elegits ongreses de Transilvània e d’endacòm mai, e tanben de collectius bascos e catalans.
50 milions de ciutadans pertocats
Delà los occitanofòns, qu’après lo lingüicidi patit avèm pas pus un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivéncia de lor identitat, las minoritats an de besonh de proteccion e sosten. Aquò es l’objectiu de l’iniciativa Minority Safepack“.
Minority Safepack se suspendèt en novembre de 2018 fins al cambiament de la legistlatura car l’Union Federala de las Nacionalitats Europèas (FUEN segon sa sigla anglesa) se mesfisava de la Comission Europèa (CE) d’alavetz e preferissiá d’esperar un pauc.
Ara, amb lo larg sosten de l’eurocambra, qu’a votat la resolucion de sosten per 524 vòtes en favor, 67 contra e 103 abstencions, la FUEN remarca “una granda reüssida”. E mai la resolucion obligue pas la Comission Europèa de prene cap de mesura, si que deu anonciar sa posicion sus Minority Safepack abans lo 15 de genièr venent.
Demest d’autras revendicacions, l’iniciativa demanda la reconeissença dels territòris nacionals, dont los Païses Catalans o Occitània (la nacion, non pas la region). Minority Safepack recep lo sosten e l’engatjament de fòrça collectius e elegits ongreses de Transilvània e d’endacòm mai, e tanben de collectius bascos e catalans.
50 milions de ciutadans pertocats
Delà los occitanofòns, qu’après lo lingüicidi patit avèm pas pus un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivéncia de lor identitat, las minoritats an de besonh de proteccion e sosten. Aquò es l’objectiu de l’iniciativa Minority Safepack“.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Episodi 3458 : Promès, jurat, aqueste cop es la bona !
Ajudar a las minoritats d'un territori que parlan o son part d'una altra lenga ,es mai que protegir a las lengas minorizadas. Un esglaon mai alt e per tant es una reivindicacion pro importanta que s'a de seguir e ajudar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari