Actualitats
Aran reclama la liura circulacion amb Comenge
Las autoritats e los entrepreneires del país son indignats de las darrièras mesuras anticovid de la Generalitat e planhon un tractament discriminatòri
Indignacion màger en Aran envèrs las darrièras mesuras sanitàrias impausadas per la Generalitat de Catalonha. Del 21 de desembre fins a l’11 de genièr s’es decretat lo confinament comarcal, çò qu’empedís l’intrada e la sortida de mond de la Val d’Aran. Totun, lo govèrn d’Andòrra a pachat amb la Generalitat lo liure movement entre lo principat pirenenc e la comarca de Naut Urgelh. Aran reclama tanben la liura circulacion amb Comenge.
Lo Conselh General d’Aran acusa la Generalitat de Catalonha de discriminacion pr’amor que permet lo movement de personas d’Andòrra devèrs lo Naut Urgelh mas l’empacha entre Comenge e Aran.
La sindica d’Aran, Maria Vergés, acompanhada dels cònsols màgers d’Aran, manifestava dimècres passat son indignacion.
“Eth govèrn deth Conselh Generau d’Aran auem amiat a tèrme pendent setmanes totes es gestions e contactes possibles en tot demanar ath govèrn catalan era armonizacion des mesures entre Aran e França dera madeisha forma qu’ac demanèc eth Naut Urgelh damb Andòrra”, çò diguèt Vergés en tot senhalar un desavantatge comparatiu. “Eth govèrn deth Conselh Generau d’Aran, coma suprèma institucion aranesa non pòt acceptar tractes desegaus e injusti coma aguest”.
A mai, Vergés remarquèt qu’Aran ten amb Comenge de relacions economicas, professionalas, sanitàrias e educativas.
Tanben a protestat lo collectiu SOS Val d’Aran qu’amassa los ostalièrs qu’an cridat a manifestar uèi a 17h a Vielha.
Aguesta reclamacion arribe dempús de conéisher era noticia de qu’era Generalitat permeterà era mobilitat entre Alt Urgell e Andòrra a compdar d’aguesta dimenjada e dempús d’auer reclamat en diuèrses ocasions ath govèrn catalan era armonizacion des restriccions entre Aran e França pic.twitter.com/fxu37eI2IK
— Conselh Generau Aran (@conselharan) December 16, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per la sindica socialista d'Aran, Comenge es sonque França. Aquò demonstra la poca sensibilitat occitana dels socialistas araneses, que son espanholistas de primera ( véser notadament la plaça balhada a Paco Boya pel govern espanhòu) alara que la Generaltat de Catalonha fa tant per l'occitan : "Fa de ben a Bertran, te lo torna en cagant";
#3 Conerias sense parelha !
#4 Mercéd d'aquera precision hèra utila.
Es impossible que la Generalitat de Catalonha contraròtle la frontièra entre Aran e Comenge. Los mòssos d'Esquadra non pòdon pas empachar los ciutadans franceses de traversar la frontièra, aquò sonque o pòdon far la Polícia Nacionala dels dos costats, la Gendarmariá o la Guardia Civil. Sembla que l'estrategia catalanofòba dels socialistas en Aran es a passar l'òsca
#1 Qui a dit que la val d'Aran n'èra pas gascona? Que i a un díser en castelhan tà parlar de la faiçon de pensar deus gasconistas: "Cada loco con su tema". E lo tèma deus (psèudo-)gasconistas qu'ei: lo gascon, la Gasconha, lo gascon, la Gasconha. Que son de malauts de la cabòrla monotematics.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari