Actualitats
Lo pistolet emplegat per atacar en dirècte un politician bulgar èra de gas
Lo vidèo a fach lo torn del Mond per l’errança del tiraire, mas se s’èra pas enganat, Dogan seriá pas tanpauc tuat
L’imatge a fach lo torn del Mond. Dissabte passat, mentre que lo cap de la minoritat turca de Bulgaria fasiá un acte a Sòfia, un òme pogèt sus l’empont e ensagèt de tirar de près. Manquèt lo còp de fuòc e los gardas de seguretat d’Ahmed Dogan l’arrestèron mentre qu’un fum de mond lo tustavan.
Qualques minutas puèi, se saupèt que s’agissiá d’un pistolet que tirava solament de gas, d’aqueles que s’emplegan per dissuadir, e es gaireben impossible qu’aguèsse pogut tuar lo cap del Movement pels Dreches e las Libertats.
L’arrestat a nom Oktai Enimehmedov e tanben fa partida de la minoritat turca de Bulgaria. Èra estat arrestat maites còps per la polícia per contrabanda e per aver de dròga.
Lo Movement pels Dreches e las Libertats es reconegut coma lo principal representant de la minoritat turca de Bulgaria.
Qualques minutas puèi, se saupèt que s’agissiá d’un pistolet que tirava solament de gas, d’aqueles que s’emplegan per dissuadir, e es gaireben impossible qu’aguèsse pogut tuar lo cap del Movement pels Dreches e las Libertats.
L’arrestat a nom Oktai Enimehmedov e tanben fa partida de la minoritat turca de Bulgaria. Èra estat arrestat maites còps per la polícia per contrabanda e per aver de dròga.
Lo Movement pels Dreches e las Libertats es reconegut coma lo principal representant de la minoritat turca de Bulgaria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Exacte ! Podem far lo parrallèl amb lei musulmans de Bòsnia que se disian "Turcs" elei mai que son per la grand majoritat en realitat de sèrbs islamisats.
Parlar d'una minoritat "turca" es far lo juec de l'extrèma drecha bulgara. Apondi qu'au sègle 19 èra d'usatge pron espandit, emai dins nòstre lenga, de designar sota lo nom de "turc" tot musulman, d'onte que vengue.
De legir lo cap d'òbra d'Ivo Andric, Lo Pònt subre Drina (Na Drina Cuprija) per ne'n sacher mai !
#3
Lo problèma en Bulgaria e los musulmans se concentra a l'entorn de la comunautat musulmana endogèna bulgara: los Pomaks
http://fr.wikipedia.org/wiki/Pomaks
Segons mantuns bulgars, los Pomaks pòdon pas fa partida de la "bulgaritat".
Longtemps son estats victimas de totes los regimes bulgars
Me pause questions... çò qu'es estonant, es de veire que la minoritat turca de Bulgaria fai parlar d'ela.
Se regardam en miralh, las minoritats grèga, armeniana, bulgara fan plus parlar d'elas en Turquia desempuèi bèl briu... los turcs los an caçats per qu'anèsson dins los estats actuals de Grècia, Armenia (ò en diaspòra), Bulgaria. E al revèrs, per exemple de turcs qu'èran presents en Grècia (Cípria inclusa) faguèron lo camin en sens invèrs.
Alora coma se fai que i aja plus de problèmas de minoritats grèga, armeniana, bulgara (levat los curdes al levant de Turquia) en Turquia, mas que n'i aja ancara en Bulgaria a prepaus de minoritat turca ?
Un polida demostracion del coratge de la classa politica: un còp mestrejat e al sòl, n'i aguèt monde per li fotre de còps de punh e de còps de pè. Mas abans, èran totes a s'amagar...
50 ans aprèp l'afar del parapluèja bulgar, avèm l'afar del pistoleton bulgar!
Èra un pistolet cassolet!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari