Actualitats
La justícia espanhòla a aquitat los dotze militants independentistas galècs
Lo minstèri public demandava de penas d’entre 4 e 12 ans de preson per apologia del terrorisme, e la dissolucion de las associacions Causa Galiza e Ceivar
Los jutges an considerat que las doas organizacions an pas cap de tòca que siá susceptibla de perseguida judiciària, mas que manifèstan la volontat de promòure la lenga e la cultura galègas e d’agir dins l’encastre politic coma fòrça nacionalista e socialista. Dins lo cas de Ceivar, lor tòca es de portar de sosten als presonièrs independentistas pendent lor sojorn en preson.
De fach, èra fòrça susprenent que lo ministèri public aguèsse denonciat en justícia aquelas doas associacions, encara mai davant la dicha Audiéncia Nacionala, un tribunal d’excepcion especializat en crimes de terrorisme, qu’es lo meteis que dobriguèt la procedura contra los independentistas catalans. E l’insisténcia dels procuraires èra d’aitan mai estonanta qu’en julhet passat, aquela meteissa cort de justícia aviá levat contra eles las acusacions d’”apertenéncia a banda armada”.
Los dotze militants acusats foguèron arrestats a la fin d’octòbre de 2015 dins l’encastre d’una polemica operacion de la Gàrdia Civila per tota Galícia.
Absoltos os 12 independentistas galegos acusados de “enaltecemento do terrorismo” na 'Operación Jaro'https://t.co/JI8xvC7MBi
— Nós Diario (@NosDiario) December 22, 2020
#ÚLTIMAHORA | Absolts dotze independentistes gallecs de @CausaGaliza i @Ceivar_OPAR als quals Fiscalia demanava un total de cent dos anys de presó i la il·legalització d'aquestes organitzacions. Vam entrevistar Iria Calvelo 'Irinha', una de les jutjades https://t.co/B6CuIjM9k4
— Directa (@La_Directa) December 22, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
VIVA GALIZA CEIVE!
NOM PODERAM CONNOSCO!!
Los an absolt, però per quin motiu duen a judici persones per ser independentistas ? Què no saben aquests jutges de l'Audiència Nacionals que son los Dets Umans e qu' eles no o poden far an aissò?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari