Actualitats
L’èx-deputada curda Leyla Güven, condemnada a 22 ans de preson
“Es una decision contra totes los curds”, çò denóncia son partit, l’HDP
L’èx-deputada del Partit Democratic dels Pòbles (HDP), Leyla Güven, l’an condemnada aqueste 21 de decembre a 22 ans e tres meses de preson per apertenéncia al Partit dels Trabalhadors de Curdistan (PKK) e per difusion de propaganda terrorista, segon de documents vistes per Reuters.
Güven fa partida de las desenas de dirigents e cònsols màgers de l’HDP condemnats jos aquela meteissa acusacion. Lo partit refusa categoricament que sos membres tengan cap de ligam amb lo PKK, una organizacion illegala en Turquia.
Güven èra tanben copresidenta del Congrès de la Societat Democratica (DTK), una organizacion maire del movement curd d’esquèrra que promòu l’ideologia del confederalisme democratic en Turquia.
L’èx-deputada l’an detenguda mai d’un còp, totjorn dins l’encastre de la politica de repression de l’estat turc contra lo movement curd. En genièr de 2018, la detenguèron per aver criticat l’invasion turca de Rojava (dins lo nòrd de Siria). Demorèt empresonada pendent un an fins qu’un tribunal ordenèsse sa liberacion, après que sa santat foguèt damatjada per una cauma de la fam d’11 setmanas.
“Es una decision non solament contra Güven e lo DTK, mas contra totes los curds e l’oposicion”, çò a dich l’HDP dins un comunicat. “Volèm pas reconéisser aquela senténcia de preson illegala e ostila”, çò an apondut.
Las autoritats turcas acusan lo DTK de manténer de ligams amb lo PKK, e los darrièrs meses n’an detengut divèrses membres. En novembre, cinc personas foguèron arrestadas jos l’acusacion d’apertenéncia a una organizacion terrorista, coma Güven.
Aquesta nòva es adaptada de Nationalia, amb qui Jornalet ten un acòrdi de cooperacion.
Güven fa partida de las desenas de dirigents e cònsols màgers de l’HDP condemnats jos aquela meteissa acusacion. Lo partit refusa categoricament que sos membres tengan cap de ligam amb lo PKK, una organizacion illegala en Turquia.
Güven èra tanben copresidenta del Congrès de la Societat Democratica (DTK), una organizacion maire del movement curd d’esquèrra que promòu l’ideologia del confederalisme democratic en Turquia.
L’èx-deputada l’an detenguda mai d’un còp, totjorn dins l’encastre de la politica de repression de l’estat turc contra lo movement curd. En genièr de 2018, la detenguèron per aver criticat l’invasion turca de Rojava (dins lo nòrd de Siria). Demorèt empresonada pendent un an fins qu’un tribunal ordenèsse sa liberacion, après que sa santat foguèt damatjada per una cauma de la fam d’11 setmanas.
“Es una decision non solament contra Güven e lo DTK, mas contra totes los curds e l’oposicion”, çò a dich l’HDP dins un comunicat. “Volèm pas reconéisser aquela senténcia de preson illegala e ostila”, çò an apondut.
Las autoritats turcas acusan lo DTK de manténer de ligams amb lo PKK, e los darrièrs meses n’an detengut divèrses membres. En novembre, cinc personas foguèron arrestadas jos l’acusacion d’apertenéncia a una organizacion terrorista, coma Güven.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los jutges espanhols an donat un mal exemple mondial, ara los estats dictatorials se'n aprofitan disent que son democratics coma en Espanha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari