Actualitats
La Cort Europèa dels Dreches Umans exigís de Turquia la liberacion del deputat curd Selahattin Demirtaş
Lo deputat curd foguèt arrestat e condemnat per aver demandat per la television una solucion pacifica al conflicte amb Curdistan
La Cort Europèa dels Dreches Umans (CÈDU) a demandat a Turquia la mesa en libertat de Selahattin Demirtaş, presonièr politic curd embarrat dempuèi 2016. Demirtaş es copresident del Partit Democratic del Pòble (HDP) e fa partida de l’oposicion al president turc, Recep Tayyip Erdoğan. Son cas presenta un parallelisme evident amb lo dels presonièrs politics catalans. Foguèt arrestat en novembre de 2016 pendent una operacion dins la quala detenguèron tanben d’autres deputats de son partit; l’encarcèron puèi preventivament jos l’acusacion de collaboracion amb una organizacion terrorista e d’incitacion a la violéncia per de paraulas prononciadas a la television ont reclamava una resolucion pacifica del conflicte amb Curdistan.
Segon la senténcia de la granda sala de la CÈDU, la justícia turca a mancat mai d’un còps als dreches de Demirtaş: la libertat d’expression, la libertat e la seguretat, l’accès a una decision rapida sus la situacion de detencion, lo drech de participar a d’eleccions liuras e son immunitat parlamentària coma deputat.
Es pas lo primèr còp que la cort d’Estrasborg demanda sa liberacion. O faguèt ja en novembre de 2018, quand lo politician curd èra en preson preventiva. Totun, lo Tribunal Regional de Justícia d’Istambol esquivèt la CÈDU e condemnèt Demirtaş a quatre ans e uèch meses de preson lo 4 de decembre de 2018 pels comentaris diches a la television.
Alara, la CÈDU aviá ja establit que Turquia aviá mancat als dreches de libertat e de seguretat, que l’estat turc aviá violat lo drech d’èsser presentat rapidament davant un jutge, lo drech d’una revision rapida de la legalitat de la detencion, lo drech d’eleccions liuras, en impausant la limitacion restrictiva dels dreches de Demirtaş̧. Aqueste tenguèt sa carga de deputat e se presentèt a las eleccions seguentas, mas non poguèt pas participar a l’activitat parlamentària. A mai, la cort dels dreches umans considèra que la preson preventiva foguèt una “ingeréncia injustificada” dins la libertat d’expression e d’opinion dels electors e del drech del politician curd d’èsser elegit e d’anar al parlament.
Segon la senténcia de la granda sala de la CÈDU, la justícia turca a mancat mai d’un còps als dreches de Demirtaş: la libertat d’expression, la libertat e la seguretat, l’accès a una decision rapida sus la situacion de detencion, lo drech de participar a d’eleccions liuras e son immunitat parlamentària coma deputat.
Es pas lo primèr còp que la cort d’Estrasborg demanda sa liberacion. O faguèt ja en novembre de 2018, quand lo politician curd èra en preson preventiva. Totun, lo Tribunal Regional de Justícia d’Istambol esquivèt la CÈDU e condemnèt Demirtaş a quatre ans e uèch meses de preson lo 4 de decembre de 2018 pels comentaris diches a la television.
Alara, la CÈDU aviá ja establit que Turquia aviá mancat als dreches de libertat e de seguretat, que l’estat turc aviá violat lo drech d’èsser presentat rapidament davant un jutge, lo drech d’una revision rapida de la legalitat de la detencion, lo drech d’eleccions liuras, en impausant la limitacion restrictiva dels dreches de Demirtaş̧. Aqueste tenguèt sa carga de deputat e se presentèt a las eleccions seguentas, mas non poguèt pas participar a l’activitat parlamentària. A mai, la cort dels dreches umans considèra que la preson preventiva foguèt una “ingeréncia injustificada” dins la libertat d’expression e d’opinion dels electors e del drech del politician curd d’èsser elegit e d’anar al parlament.
Erdogan carrega contra el Tribunal dels Drets Humans i posa d'exemple Espanya https://t.co/7yAVI6vmPg
— ElNacional.cat (@elnacionalcat) December 23, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los fachistas del govern Turc an pres model de los jutges franquistes de Madrid.
E los presonièrs catalans, que ne son ja a mai de 3 ans de preson ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari