Un òme de 48 ans, èx-militar, a tuat tres gendarmas e n’a nafrat un quatren dins un masatge près de Sant Just, en Liuradés. Aquò se passèt dins la nuèch de dimars a dimècres quand los policièrs porgissián socors a sa femna, victima de violéncias conjugalas.
 
Quand los agents èran a mand de socórrer la femna, que s’èra refugiada sul tet de l’ostal, l’ome tirèt suls agents en ne tuant un. Puèi incendièt l’ostal, tornèt fusilhar los agents; dos d’eles ne moriguèron mentre qu’ensajavan de s’assabentar se los pompièrs podián intervenir. Lo murtrièr fugiguèt.
 
Après recercar l’òme pendent tota la nuèch, las fòrças de seguretat lo trobèron mòrt de matin, segon çò qu’a confirmat lo ministre de l’Interior, Gérald Darmanin, qu’es anat sus plaça.
 
Darmanin, lo primièr ministre Jean Castex, e lo president de la Republica, Emmanuel Macron, an manifestat lor reconeissença als agents e an plangut lo dòl a las familhas.

 

Ils s’appelaient Arno Mavel, Rémi Dupuis et Cyrille Morel. Voici ce que l’on sait sur les trois #gendarmes tués cette nuit par un forcené à #SaintJust, dans le #PuyDeDôme.https://t.co/goiscdYZLW

— L'Essor (@Essor_Gie) December 23, 2020

 

Gendarmes tués dans le Puy-de-Dôme: Darmanin évoque "l'un des événements les plus tragiques de l'histoire de la gendarmerie" hors terrorismehttps://t.co/Vb33SCyu6apic.twitter.com/CTezOjglak

— BFMTV (@BFMTV) December 23, 2020