Actualitats
Lana Gran: un projècte fotovoltaïc compta de destruire 1000 ectaras de forèst
Lo projècte, que costarà un miliard d’èuros, prevei de vendre l’energia producha a d’indústrias e d’entrepresas
Un projècte de pargue solar de 1000 ectaras a Saucats menaça la forèst de la Lana Gran. Segon Reporterre, las entrepresas Engie e Neoen considèran d’espandir dins lo bòsc una plataforma de panèls fotovoltaïcs e una unitat de produccion “d’idrogèn verd”, un estocatge de batariá e una produccion agricòla. Lo projècte s’apèla Horizéo e ten un còst previst d’un miliard d’èuros.
Lo pòrtavotz del projècte, Mathieu Le Grelle, a dich a France Bleu que lo sit poiriá alimentar “l’equivalent del consum d’electricitat de 600 000 abitants”. De precisar, totun, que lo projècte prevei de vendre l’energia producha a d’indústrias e d’entrepresas.
D’autre caire, l’associacion environamentalista d’Aquitània Sepanso considèra qu’es un “projècte de la desmesura”. Son president, Daniel Delestre, a declarat tanben a France Bleu que lo projècte prevei d’eliminar 1000 ectaras de pins, en tot precisar que lo bòsc es essencial a la biodiversitat e al clima.
Los portaires del projècte Horizéo prepausan de mesuras compensatòrias qu’an pas convencut la Sepanso. “Van causir d’endreits on i a ja bòsc e replantar petits pins”, çò a assegurat Delestre.
De soslinhar que la centrala fotovoltaïca pus granda d’Occitània se tròba sonque a 15 quilomètres mai al nòrd, a Sestàs (Grava), e ocupa 250 ectaras, luènh de las 1000 ectaras que prevei Horizéo.
Tanben cal remarcar que, totjorn segon Reporterre, d’autres projèctes de pargues fotovoltaïcs tròban d’oposicion, coma es lo cas de Montcuc de Carcin Blanc, ont los abitants luchan per pèrdre pas 66 ectaras de tèrras agricòlas.
Per contra, los projèctes fotovoltaïcs de mesuras mai rasonablament petitas capitan ben, coma es lo cas de Brenjas, dins lo Causse de Gramat. Aquí l’electricitat es producha per una cooperativa ciutadana.
Lo pòrtavotz del projècte, Mathieu Le Grelle, a dich a France Bleu que lo sit poiriá alimentar “l’equivalent del consum d’electricitat de 600 000 abitants”. De precisar, totun, que lo projècte prevei de vendre l’energia producha a d’indústrias e d’entrepresas.
D’autre caire, l’associacion environamentalista d’Aquitània Sepanso considèra qu’es un “projècte de la desmesura”. Son president, Daniel Delestre, a declarat tanben a France Bleu que lo projècte prevei d’eliminar 1000 ectaras de pins, en tot precisar que lo bòsc es essencial a la biodiversitat e al clima.
Los portaires del projècte Horizéo prepausan de mesuras compensatòrias qu’an pas convencut la Sepanso. “Van causir d’endreits on i a ja bòsc e replantar petits pins”, çò a assegurat Delestre.
De soslinhar que la centrala fotovoltaïca pus granda d’Occitània se tròba sonque a 15 quilomètres mai al nòrd, a Sestàs (Grava), e ocupa 250 ectaras, luènh de las 1000 ectaras que prevei Horizéo.
Tanben cal remarcar que, totjorn segon Reporterre, d’autres projèctes de pargues fotovoltaïcs tròban d’oposicion, coma es lo cas de Montcuc de Carcin Blanc, ont los abitants luchan per pèrdre pas 66 ectaras de tèrras agricòlas.
Per contra, los projèctes fotovoltaïcs de mesuras mai rasonablament petitas capitan ben, coma es lo cas de Brenjas, dins lo Causse de Gramat. Aquí l’electricitat es producha per una cooperativa ciutadana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Auta projècte a Mimisan de destruccion de 17 ectaras entà apitar 340 maisons sus ua tuca boscassièra, mei que mei residéncias segondaris. Aquiu la seuva qu'arcuelh ua biodiversitat gran mes subertot qu'empara drin lo vilatge contra las tempèstas. Com a cada còp, la comuna que coneish dificultats finacièras e donc que's ven aus promotors shens vergonha. Ua associacion de poblans oposada as aqueth projècte destructor que vien de pèrder au tribunau e qu'estó condemnada a pagar 1000e.
"Reporterre" que son contra tot. Ací, ne s'ageish pas de destrusir 1000 ectaras de seuva, per'mor que çò qui apèran "seuva lanusqueta" qu'ei en realitat ua planta, dab ua sola esséncia d'arbes en milèrs d'ectaras, çò qui n'ei pas de bèra pausa autan favorable a la biodiversitat com ua seuva vertadèra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari