Actualitats
Del Peis d’Abril al Jorn dels Innocents
Quand lo calendièr gregorian desplacèt la data del Cap d’An, del 1r d’abril al 1r de genièr, la fèsta cambièt en qualques luòcs e demorèt en d’autres
Qualques legeires de Jornalet se seràn estonats qu’aguèssem publicat, aqueste 28 de decembre, un nòva que semblariá puslèu un peis d’abril. De fach, tant lo Peis d’Abril coma lo Jorn dels Innocents an lor meteissa origina dins la Fèsta dels Fòls. Quand lo calendièr gregorian desplacèt la data del Cap d’An, del 1r d’abril al 1r de genièr, la fèsta cambièt dins qualques luòcs e demorèt en d’autres. A l’ora d’ara, lo Jorn dels Innocents se celèbra lo 28 de decembre en America latina e dins tot l’estat espanhòl, levat de Menòrca e de Galícia per las qualas lo jorn d’enganar se fa encara lo 1r d’abril.
E mai lo nom e las datas coïncidiscan pas, l’esséncia del Jorn dels Sants Innocents o de la Fèsta dels Fòls amb de badinadas, de messòrgas, d’enganas… es la meteissa. Las originas, documentadas a l’Edat Mejana, se pèrdon dins la nuèch dels tempses.
Lo 28 de decembre es lo jorn dels Sants Innocents, en onor dels enfants que foguèron assassinats per òrdre del rei Eròdes qu’aviá paur d’èsser destronat. Pasmens, aquela celebracion religiosa foguèt popularament revirada amb lo repòrt a decembre de la Fèsta dels Fòls, e lo remembre de las Saturnalas que los romans festejavan amb gorrinariá en decembre.
Per ne saber mai, podètz recuperar l'article de Griselda Lozano: Los Sants Innocents e la Fèsta dels Fòls (Jornalet 10.04.2016).
E mai lo nom e las datas coïncidiscan pas, l’esséncia del Jorn dels Sants Innocents o de la Fèsta dels Fòls amb de badinadas, de messòrgas, d’enganas… es la meteissa. Las originas, documentadas a l’Edat Mejana, se pèrdon dins la nuèch dels tempses.
Lo 28 de decembre es lo jorn dels Sants Innocents, en onor dels enfants que foguèron assassinats per òrdre del rei Eròdes qu’aviá paur d’èsser destronat. Pasmens, aquela celebracion religiosa foguèt popularament revirada amb lo repòrt a decembre de la Fèsta dels Fòls, e lo remembre de las Saturnalas que los romans festejavan amb gorrinariá en decembre.
Per ne saber mai, podètz recuperar l'article de Griselda Lozano: Los Sants Innocents e la Fèsta dels Fòls (Jornalet 10.04.2016).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una inocentada qu' agués sorprenent, es que França avia reconegut en tots el efectes la lenga d'Oc dels Trobadors coma lenga oficiala, en tot l'Estat Francès. Los chovinets aurien pegat de cuol.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari