Actualitats
Accion de protèsta contra Vinci au peatge de Lescar
Los acampats qu’an levat las barrèras deu peatge, en solidaritat dab la protèsta contra l’aeropòrt de Kernitron-al-Lann (Bretanha)
Dissabte passat, de vrèspe, un vintenat de personas convocadas per Libertat! que s’amassèn a l’entorn deu peatge de Lescar (Bearn) e qu’obrín las barrèras entà deishar passar las autos a gratis.
Las banderòlas deus acampats que portavan un messatge de solidaritat cap aus bretons en protèsta contra lo projècte de l’Aeropòrt Internacionau deu Gran Oèst, qu’òm vòu bastir dens la municipalitat de Kernitron-al-Lann (Notre-Dame-des-Landes, Bretanha).
Atau que protestavan contra lo grop industriau Vinci, partenari privat d’aqueth polemic projècte faraonic que, segon los manifestants, ei inutil.
Los manifestants que planhèvan tanben la construccion d’ua nava autoestrada entre Pau e Auloron (Bearn).
Vinci qu’ei un grop industriau francés e qu’ei vengut la purmèra societat deu Mond en la construccion e gestion d’infrastructuras de transpòrt, d’estradas, d’autoestradas, de camins de hèr e d’aeropòrts.
Lo bastiment d’aqueth aeropòrt qu’ei vengut un conflicte politic important peu govèrn francés. A la fin deu mes de noveme, la polícia qu’entrè dens l’airau que l’aeropòrt ocuparé, e ont dempuish quauques mes s’èra creat un campament dab volontaris entà empedir lo començament de las òbras.
Aquera protèsta contra aqueth aeropòrt en Bretanha non ei pas la purmèra que’s debana en Occitània. Lo 16 de noveme, la comuna de Juèsa (Cevenas) qu’organizè actes de sostien a la luta deus bretons, e lo 27 de noveme, quauques 90 personas qu’ocupèn l’ostau de la comuna de Milhau (Causse de Larzac).
JB/FM
Las banderòlas deus acampats que portavan un messatge de solidaritat cap aus bretons en protèsta contra lo projècte de l’Aeropòrt Internacionau deu Gran Oèst, qu’òm vòu bastir dens la municipalitat de Kernitron-al-Lann (Notre-Dame-des-Landes, Bretanha).
Atau que protestavan contra lo grop industriau Vinci, partenari privat d’aqueth polemic projècte faraonic que, segon los manifestants, ei inutil.
Los manifestants que planhèvan tanben la construccion d’ua nava autoestrada entre Pau e Auloron (Bearn).
Vinci qu’ei un grop industriau francés e qu’ei vengut la purmèra societat deu Mond en la construccion e gestion d’infrastructuras de transpòrt, d’estradas, d’autoestradas, de camins de hèr e d’aeropòrts.
Lo bastiment d’aqueth aeropòrt qu’ei vengut un conflicte politic important peu govèrn francés. A la fin deu mes de noveme, la polícia qu’entrè dens l’airau que l’aeropòrt ocuparé, e ont dempuish quauques mes s’èra creat un campament dab volontaris entà empedir lo començament de las òbras.
Aquera protèsta contra aqueth aeropòrt en Bretanha non ei pas la purmèra que’s debana en Occitània. Lo 16 de noveme, la comuna de Juèsa (Cevenas) qu’organizè actes de sostien a la luta deus bretons, e lo 27 de noveme, quauques 90 personas qu’ocupèn l’ostau de la comuna de Milhau (Causse de Larzac).
JB/FM
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perqué nomar Notre Dame des Landes " Kernitron-al-Lann", en breton ? La comuna es dins l'aira galesa, lu breton n'i es pas parlat (parlen galò). Aime los bretons, qu'es pas lu problema, mas aime, coma per l'occitan, que la gent respectessen las frontieras linguisticas.
Per trobar lu nom de la comuna en galò, si iò fau, n'i a de las associacions (pense a Bertègn Galèzz per erzemple).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari