Bèla fin d’annada pels collectius que s’opausan a la construccion d’un centre comercial e una estrada sul platèl de la Menuda, a Plasença de Toish (Tolosan). La cort administrativa d’apelacion de Bordèu confirmèt dimars passat que ni lo projècte de centre comercial Val Tolosa ni l’estrada d’accès RD924 èran d’interès public. Los collectius Non a Val Tolosa, França Natura Environament Miègjorn-Pirenèus e Natura en Occitània se felicitan d’aquela decision.
 
Lo projècte qu’an capitat a arrestar èra promogut per la societat Unibail-Rodamco Westfield e prevesiá la bastison d’un centre comercial de mai de cent botigas sus 60 000 m² e una estrada d’accès.
 
En julhet de 2019, lo Conselh d’Estat aviá ja considerat lo projècte de “non-interès public màger” mas Unibail-Rodamco Westfield abandonèt pas e depausèt un recors.
 
Lo candidat ecologista a las eleccions regionalas, Antoine Maurice, tanben s’es regaudit de la decision. Per el, los projèctes de centres comercials artificializan los sòls e fan mal al comèrci de proximitat.
 
Unibail-Rodamco Westfield a pas reagit encara a la senténcia, mas es probable que presente un projècte alternatiu.

 

@FLepineux@ArchipelElus@ArnoSimion@Camille_2Neau@ClaudeRaynal@JJBolzanpic.twitter.com/ZV3VIe5KiH

— Non à Val Tolosa (@GardaLaMenuda) December 29, 2020

 

Les projets de centres commerciaux qui artificialisent les #sols et mettent à mal le #commerce de proximité n’ont plus leur place. Bravo à @GardaLaMenuda@FNEmidipyrenees pour ce juste combat contre #ValTolosa. https://t.co/YP5wTAmaS1

— Antoine MAURICE (@AntoineMAURICE) December 30, 2020