Actualitats
Tolosa: finançament participatiu per rendre public l’occitan per Sant Valentin
S’agís d’afichar per las carrièras de la Ciutat Mondina una tièra d’extraches poetics que los passejaires poiràn emportar e ofrir a las personas de lor còr
“Parla-me en occitan, m’agrada”. Amb aqueste lèma, un ensemble d’associacions vòlon rendre presenta la lenga occitana a Tolosa lo jorn de Sant Valentin e fan una crida al finançament participatiu per o menar a bon tèrme. S’agís d’ afichar per las carrièras de la Ciutat Mondina una tièra d’extraches poetics que los passejaires poiràn emportar e ofrir a las personas de lor còr.
L’idèa ven del collectiu d’ensenhaires (CRÈO Tolosa), de l’Escòla Occitana d’Estiu, d’Òsca, lo collectiu d’estudiants de l’Univeritat de Tolosa II - lo Miralh e la Seccion d’Occitan de l’Universitat de Tolosa Joan Jaurés. Lo projècte es de prepausar als abitants de Tolosa de declaracions d’amor en occitan per rendre presenta la lenga nòstra e, a l’encòp, de metre de costat l’aspècte consumaire de la fèsta de Sant Valentin.
Per menar a bon tèrme l’eveniment —mai que mai per pagar lo material— an lançat un finançament participatiu sul sit HelloAsso. Los dons de mai de 5 èuros an de contrapartidas. A mai, los dons que vendràn de l’estat francés poiràn èsser deduches de l’impòst sul revengut.
A mai, tanben se pòt adjudar en participar a l’obrador de creacion poetica que se tendrà los 23 e 24 de genièr a l’Ostal d’Occitània, al numero 11 de la Carrièra de Malcosinat.
E mai l’usatge social de la lenga siá flac, l’occitan es totjorn considerat coma una lenga d’amor dempuèi los trobadors. A mai, es totjorn una lenga presada e aimada per la populacion, a ne jutjar per l’enquista sociolingüistica de l’ÒPLO. Per tant, las iniciativas d’aquesta mena per rendre l’occitan public e popular son fòrça positivas.
— Per mai d’informacions: sentvalentinoccitana(a)mailo.com
— Participar al finançament participatiu
— Mai d’informacions sus l’obrador de creacion poetica
L’idèa ven del collectiu d’ensenhaires (CRÈO Tolosa), de l’Escòla Occitana d’Estiu, d’Òsca, lo collectiu d’estudiants de l’Univeritat de Tolosa II - lo Miralh e la Seccion d’Occitan de l’Universitat de Tolosa Joan Jaurés. Lo projècte es de prepausar als abitants de Tolosa de declaracions d’amor en occitan per rendre presenta la lenga nòstra e, a l’encòp, de metre de costat l’aspècte consumaire de la fèsta de Sant Valentin.
Per menar a bon tèrme l’eveniment —mai que mai per pagar lo material— an lançat un finançament participatiu sul sit HelloAsso. Los dons de mai de 5 èuros an de contrapartidas. A mai, los dons que vendràn de l’estat francés poiràn èsser deduches de l’impòst sul revengut.
A mai, tanben se pòt adjudar en participar a l’obrador de creacion poetica que se tendrà los 23 e 24 de genièr a l’Ostal d’Occitània, al numero 11 de la Carrièra de Malcosinat.
E mai l’usatge social de la lenga siá flac, l’occitan es totjorn considerat coma una lenga d’amor dempuèi los trobadors. A mai, es totjorn una lenga presada e aimada per la populacion, a ne jutjar per l’enquista sociolingüistica de l’ÒPLO. Per tant, las iniciativas d’aquesta mena per rendre l’occitan public e popular son fòrça positivas.
— Per mai d’informacions: sentvalentinoccitana(a)mailo.com
— Participar al finançament participatiu
— Mai d’informacions sus l’obrador de creacion poetica
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Benvogut Jp. No deseperes, l'accent del Sud per exemple per pronunciar "Une petite fille" dis "Un(oe) petit(oe) fill(oe)" amb la "a" final sonora entre A e O, neutra ; coma la lenga antiga dels Trobadors. Parlant amb accent i a 7 sil·labas e en francès solament 4. Alara parlant en accent aquesta franse es converteis en Occitan. Cal consevar l'accent perquè amb molt poc esforc parlant amb accent lo francès, es converteis en Oc.
#3 En fèit çò qui volèvi diser qu'ei que pensi que la màger part deus organisators e participants d'aqueste eveniment son concients deus punts qui evòcas. ^^
#3 Factuaument ne poish pas provar qu'as tòrt.... E ne'm gèina pas d'adméter tanben que hèra de monde viven hèra plan shens s'encuentar jamei de l'occitan. Mes qu'èi envja de har aquò totun. ¯\_(ツ)_/¯
Ua bona idea, bilhèu. Mes... a fòrça de har "com se", donc com se "l'occitan" èra viu, quan podetz traucar Tolosa 100 còps shens enténer un quite mot d'occitan, que'm demandi çò que'n pensan lo monde, fin finala... Francament, QUI, uei lo dia, ditz mots d'amor en gascon, lengadocian, provençau etc ? E sus los que diseràn quiòc, qui n'a pas un ligam sii professionau, sii associatiu dab lo dit "occitan"... Que hèm com se... Mes a jo, e ben, a fòrça, que'm geina...
Alavetz, vertat, lo men messatge n'ei pas constructiu... mes francament, que'm demandi s'iniciativas d'aqueth escantilh, totun simpaticas, an lo mendre efèit...
E puish, que seré plan tanben, bilhèu, los occitanistes s'avisin lo monde n'an pas arren a fóter deus sons trobadors... E n'ac disi pas d'un biaish maishant. Aqueth tesic qu'ei completament totemic en aqueth mitan enqüèra que sii quauquarren d'insignificant a fèit en la societat...
La lenga del Fin'Amor per lo dia de Sant Valentin. Una bona ideia ben trobada per recordar los Trobadors en la ciutat sieuna. Ara anam !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari