Se sap ja que la competicion de la Superliga començarà la segonda dimenjada de març. Per las 14 formacions del Championship, la represa del campionat se farà tre la fin del mes de febrièr.
26 o 27 partidas de campionat pel Tolosa Olimpic
Al nom de la justicia esportiva, los responsables an estimat que cada formacion deviá rescontrar las autras 13 en anar e venir, siá 26 partidas; d’aquí, la represa anonciada per la fin de febrièr. Demòra en question la tenguda o pas d’una Dimenjada Magica.
Los primièrs 6 se qualificaràn per las pelhòfas: torn de barratge entre 3n e 6n, 4n e 5n, puèi mièjas finalas. Lo campion montarà en Superliga.
Per preparar la competicion e considerar fòrtament la montada en Superliga, los tolosans an refortit la formacion amb las arribadas:
— d’Elòi Pelissièr, l’ancian talonaire dels Dragons que torna de Londres,
— lo segonda-linha anglés Andrew Dixon que jogava a Toronto,
— lo pilar Mitch Garbutt que joguèt a Melbourne e Brisbane abans de passar 4 ans a Leeds (2 còps campion, una Cup) e qu’arriba d’Hull KR,
— lo tresen o segonda linha americanosamoan Joseph Paulo, campion NRL amb Cronulla e de Superliga amb Saint Helens en 2019 e 2020,
— un autre jogaire de St Helens: lo 3/4 neozelandés Dominique Peyroux, campion de Superliga amb Saint Helens, e que joguèt cò dels Warriors d’Auckland e dels Titans en NRL. Disputèt la Copa del Mond de 2013 jol malhòt de las illas Cook.
— Lo TO a fait signar lo jogaire neozelandés de las linhas de darrièr Latrell Schaumkell.
— lo segonda-linha anglés Andrew Dixon que jogava a Toronto,
— lo pilar Mitch Garbutt que joguèt a Melbourne e Brisbane abans de passar 4 ans a Leeds (2 còps campion, una Cup) e qu’arriba d’Hull KR,
— lo tresen o segonda linha americanosamoan Joseph Paulo, campion NRL amb Cronulla e de Superliga amb Saint Helens en 2019 e 2020,
— un autre jogaire de St Helens: lo 3/4 neozelandés Dominique Peyroux, campion de Superliga amb Saint Helens, e que joguèt cò dels Warriors d’Auckland e dels Titans en NRL. Disputèt la Copa del Mond de 2013 jol malhòt de las illas Cook.
— Lo TO a fait signar lo jogaire neozelandés de las linhas de darrièr Latrell Schaumkell.
Als jogaires occitans que completan l’efectiu d’èsser a la nautor de l’enjòc! L’entraïnaire Silvan Houlès compta de faire apèl a 3 jogaires de la resèrva (que jògan en Elèit 1): Pèire-Joan Lim, Ugo Pezet e Maxime Garcia.
Lo pol de Vilanòva
La partida bèla de la represa del campionat d’Elèit 1 opausarà Vilanòva d’Òlt (4 victòrias en 4 partidas jogadas) al primadièr Carcassona (5 victòrias per 6 partidas jogadas).
Aquel rescontre sus l’estadi Max Rousié nos permet de vos pausar la question seguenta: coneissètz lo pol de Vilanòva? Aquel pol èra pas un aucèl d’esperons, bèc e plumas, mas l’ensenha luminosa, que se trapava al balcon del cafè Lo Glacièr, que coneissiá una frequentacion bèla del mond de Vilanòva . Lo patron èra l’Antòni, personatge plan conegut al país de las prunas. Lo cafè èra de mai lo sèti de l’esquipa de XIII. Entre 1960 e 200, jogaires e dirigents s’i tornavan trapar abans e aprèp las partidas del dimenge.
Quand Vilanòva ganhava a l’ostal o defòra, s’alucava lo pol. Atal, lo dimenge de ser, en passant davant lo cafè, se sabiá se los Verd e Blanc avián ganhat o pas! Mas ara que los Leupards ganhen o pèrdan, lo pol lusís pas mai e es plan damatge!
Al programa de la dimenjada: un prometeire Dragonets-Lesinhan; los afrontaments Tolosa-Limós, Palau-Albi e St Gaudenç-Avinhon completan los primièrs rendètz-vos de l’an 2021.
Los vòts
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari