Lo temps de Calendas es passat jos las bombas en Rojava. Dempuèi lo 15 de decembre, l’armada turca e las milícias opausantas de Siria atacan la vila de Bozanê (en arabi Ain Issa), a 40 km al nòrd de Raqqa. Situada sus l’autoestrada internacionala M4, la vila es un luòc estrategic per la connexion de Kobane a la rèsta de Rojava.
 
Segon Ciwan Mela, cònsol màger de Girê Xurma‎ (en arabi Tal Tamr), Turquia a profechat de la transicion presidenciala dels Estats Units per realizar una nòva operacion, çò rapòrta Directa.
 
Segon lo Conselh Civil de Bozanê, entre lo 15 e lo 20 de decembre los bombardaments tuèron una desena de personas e environ una quarantena ne foguèron nafradas. A mai, mai de 10 000 estatjants an perdut lors ostals e son desplaçats. Lo Conselh Civil avertís de “la duretat de venir desplaçat en plen ivèrn amb de temperaturas jos zèro gra”.
 
L’arribada de Joe Biden al poder als Estats Units “vòl pas dire que s’acaben los problèmas per Rojava”, çò a dich Thomas Mclure, analista del Centre d’Informacions de Rojava. A mai, Mclure crei pas que Russia pòsca ajudar Curdistan. “Erdoğan e Putin an emplegat sovent de durs metòdes un contra l’autre, mas totjorn se son enfin compreses, coma o avèm vist fa gaire amb lo conflicte entre Armenia e Azerbaitjan”.
 
 

#INTERNACIONAL | Nadal sota bombes a #Rojava, amb una nova ofensiva militar turca https://t.co/BybjkciBlC Erdogan aprofita el moment de transició presidencial als EUA per preparar una nova invasió a la regió autònoma del nord i l'est de #Síria. Per @ferranmanlleupic.twitter.com/gvS9AHgDdv

— Directa (@La_Directa) January 3, 2021