capçalera campanha

Actualitats

CulturaSocietat
crotz-tolosaCreated with Sketch.GasconhaVal d'AranCastièro

Aran: los Reis Magues an pogut trabalhar dins la nuèch malgrat lo confinament

Un ban de la comuna de Vielha a permés qu’aqueste matin los enfants araneses tròben a l’ostal los presents que los Magues e lors assistents lor an daissats

Lo cònsol màger de Vielha e Mijaran, Juan Antonio Serrano, a permés als Reis Magues de trencar lo confinament dins la nuèch passada
Lo cònsol màger de Vielha e Mijaran, Juan Antonio Serrano, a permés als Reis Magues de trencar lo confinament dins la nuèch passada | Vielha e Mijaran
Lo cònsol màger de Vielha e Mijaran, Juan Antonio Serrano, a permés als Reis Magues de trencar lo confinament dins la nuèch passada. Un band especial de la comuna anonciava als enfants araneses que los tres Magues e lors assistents èran considerats coma un “servici essencial”;  poguèron doncas escapar al confinament dins la nuèch del 5 al 6 de genièr per poder daissar los presents als mainats qu’aqueste matin aquestes an trobats dins lors ostals.
 
Lo jorn dels Reis Magues o Epifania es una fèsta tradicionala que se celèbra uèi en Aran e dins las Valadas. Mas a Mónegue e dins l’estat francés, lo 6 de genièr es un jorn obrant e los que la festejaràn, o faràn dins la dimenjada.
 
 
En Aran
 
En Aran, los mainatges an escrich de letras als Reis Magues per lor demandar de presents, e las an remesas als postièrs reials que se tròban al país pendent Calendas. Ongan, a mai, s’es facha una campanha per que se mand las letras per e-mail. Normalament, los tres Reis Magues desfilan la velha per Aran amb tot lor cortègi dins la tradicionala “cavaucada”, çò qu’ongan es pas estat possible a causa de la crisi sanitària. Pasmens, gràcias al ban del cònsol màger de Vielha, aqueste matin, los mai petits an trobat a l’ostal los presents que los Reis Magues e lors assistents lor an daissats.
 
 
La tradicion occitana
 
En Occitània, la fèsta consistís de costuma en un bon repais en familha e una còca al dessèrt qu’i cap dlns una fava. Segon la tradicion, lo mai jove se deu metre jos la taula per designar la part de la còca que reven a cadun. Lo que trobarà la fava dins sa part vendrà lo rei de la fèsta.
 
 
Origina crestiana
 
E mai s’agisca d’una fèsta amb un aspècte mai que mai tradicional, l’origina es religiosa coma dins la majoritat de las tradicions del país. De l’origina crestiana de l’Epifania, ne parlèt Joan-Jacme Fénié dins Jornalet en decembre de 2013:
 
“L’Evangèli de Matieu parla deus magues d’Orient arribats a Jerusalèm. Lo rei Eròdes que’us prèga d’anar véder lo Ninòt vadut a Betleèm. Que segueishen la famosa estela tà trobar lo camin. Normau: qu’an per mestièr de léger dens lo cèu! Hòrt polits e arrespectuós, n’oblidan pas de portar presents au drollòt: aur, mirra e encens. Qu’es tot çò qu’an trobat en magazin. Apareishuts probablament au sègle IVu, los evangèlis apocrifs (comprenetz: los qui son en principi tienguts secrets) que parlan deu bueu e de l’ase. E, plan mei tard, los Reis Magues, dens la «Legenda Daurada», que son aperats Gaspar, Marchion e Bautesar.”

 
 

BAND REIS D'ORIENT | Grana notícia entara mainadèra e es familhes de Vielha e Mijaran! Eth baile municipau, Juan...

Pubblicato da Vielha e Mijaran su Dimecres, 30 de desembre de 2020
  

 

RESUM FOTOGRAFIC ARRIBADA REIS D'ORIENT | Aciu auetz un resum des melhores imatges dera visita des Reis d'Orient a...

Pubblicato da Vielha e Mijaran su Dimarts, 5 de gener de 2021
 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

gilós pietadós
3.

'quò amuisha sustot que las preocupacions de Jornalet son pas las dau 99.995% daus poblants d'Occitània.
e que digun es pas capable en Occitània d'apitar un aute jornau, damb l'energia e la perseverància qu'aquò damanda.

  • 1
  • 1
Marchion
2.

Vertadièrament, la fèsta de l'Epifania illustra a quin punt las frontièras politicas an una incidéncia.
La pichoneta Gasconha espanhòla es de tradicion espanhòla e la Gasconha francesa es de tradicion tipicament francesa amb sa còca e sa fava del primièr dimenge apuèi lo Primièr de l'An.

Ne calriá pas tròp de fèstas aital que despartisson lo pais d' Òc, e rendon vesedoiras las apartenéncias nacionalas (non pas las que son somiadas, mas las que son visceralament viscudas pel milhor e pel pièger).

  • 0
  • 1
Julien Berlin
1.

Fa sonque dos reis dins totei lei fotos ambé lo cònsol ! Baltasar a passat Frontex mai a pas passat la pòrta, paure :D

  • 1
  • 0

Escriu un comentari sus aqueste article