Actualitats
Lo Reialme Unit liurarà pas Julian Assange als Estats Units
Lo fondador de Wikileaks es acusat d’espionatge per aver desvelat de crimes de guèrra del Pentagòn en Afganistan e Iraq
Lo Reialme Unit liurarà pas Julian Assange als Estats Units. Lo tribunal encargat d’avalorar l’extradicion del fondador de Wikileaks a decidit qu’èra pas pertinenta. La jutgessa Vanessa Baraitser a argumentat qu’a causa de problèmas de santat mentala, i a un risc de suicidi e de patir lo confinament. L’avocat d’Assange aviá ja avertit que i aviá un “naut risc de suicidi” en cas d’extradicion, e mai aviá assegurat qu’aquela demanda d’extradicion estatsunidenca aviá pas que de “motivacions politicas” e qu’Assange auriá pas “drech a un jutjament just”.
Es de preveire que los Estats Units depausen un recors contra la decision britanica. Per tant, aquesta decision es pas definitiva. Pasmens, es la primièra victòria d’Assange dempuèi son arrestacion.
Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion coma la revelacion de crimes de guèrra comeses en Iraq e Afganistan. Per aqueles delictes als Estats Units lo poirián condemnar a 175 ans de preson.
Assange se tròba encarcerat ara dins la preson de nauta seguretat de Belmarsh, près de Londres dempuèi abril de 2019. L’arrestèron en 2010 al Reialme Unit per un presumit cas d’abús sexual en Suècia, qu’ara es classat. Long d’aquestes dètz darrièrs ans a viscut confinat, primièr assignat a domicili e puèi refugiat dins l’ambaissada de l’Eqüator a Londres. Mas lo cambiament de govèrn en aquel país american, en 2019, li retirèt la proteccion e d’agents de la polícia britanica lo venguèron arrestar.
Mairead Maguire a nomenat Julian Assange pel prèmi Nobel de la Patz d’ongan
D’autre caire, l’activista nòrd-irlandesa e prèmi Nobel de la Patz Mairead Maguire a nomenat Julian Assange pel prèmi d’ongan. Maguire a presentat dins la meteissa candidatura lo fondador australian de Wikileaks, l’èx-militara estatsunidenca Chelsea Manning e son compatriòta e tanben èx-analista de l’intelligéncia Edward Snowden. Totes tres son enseguits e represalhats per aver difusat, segon la pacifista irlandesa, la “vertat de las accions illegalas dels govèrns” a un naut “còst per lor libertat e lor vida”.
Es de preveire que los Estats Units depausen un recors contra la decision britanica. Per tant, aquesta decision es pas definitiva. Pasmens, es la primièra victòria d’Assange dempuèi son arrestacion.
Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion coma la revelacion de crimes de guèrra comeses en Iraq e Afganistan. Per aqueles delictes als Estats Units lo poirián condemnar a 175 ans de preson.
Assange se tròba encarcerat ara dins la preson de nauta seguretat de Belmarsh, près de Londres dempuèi abril de 2019. L’arrestèron en 2010 al Reialme Unit per un presumit cas d’abús sexual en Suècia, qu’ara es classat. Long d’aquestes dètz darrièrs ans a viscut confinat, primièr assignat a domicili e puèi refugiat dins l’ambaissada de l’Eqüator a Londres. Mas lo cambiament de govèrn en aquel país american, en 2019, li retirèt la proteccion e d’agents de la polícia britanica lo venguèron arrestar.
Breaking: UK judge rules against extradition of Assange to US #AssangeCase
— WikiLeaks (@wikileaks) January 4, 2021
Breaking: UK judge rules against extradition of Assange to US #AssangeCase
— WikiLeaks (@wikileaks) January 4, 2021
Mairead Maguire a nomenat Julian Assange pel prèmi Nobel de la Patz d’ongan
D’autre caire, l’activista nòrd-irlandesa e prèmi Nobel de la Patz Mairead Maguire a nomenat Julian Assange pel prèmi d’ongan. Maguire a presentat dins la meteissa candidatura lo fondador australian de Wikileaks, l’èx-militara estatsunidenca Chelsea Manning e son compatriòta e tanben èx-analista de l’intelligéncia Edward Snowden. Totes tres son enseguits e represalhats per aver difusat, segon la pacifista irlandesa, la “vertat de las accions illegalas dels govèrns” a un naut “còst per lor libertat e lor vida”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los ionquis an un problema e es qu' es creden ser los amos del mond e que poden jutjar a qualsevol persona sia o non ciutadana nodamericana. Son eles que matan e assassinan en las suas guerras per raubar los recursos dels altres països. A eles los aurian de jutjar los tribunals internacionals. Qualque dia potser o vejam ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari