La Cort d’Apelacion de Brussèlas a confirmat que se refusa l’extradicion devèrs Espanha de l’elegit independentista catalan Lluís Puig, en exili. En agost passat, un tribunal de primièra instància ne refusèt l’extradicion en tot considerar que la Cort Suprèma espanhòla èra pas competenta per jutjar los elegits catalans en exili.
 
La justícia espanhòla vòl jutjar lo que foguèt ministre de la cultura del govèrn de Carles Puigdemont a la Generalitat de Catalonha, per l’organizacion del referendum d’independéncia del 1r d’octòbre de 2017. Èra lo tresen còp que ne demandava l’extradicion.
 
Lo primièr mandat d’extradicion lo jutge lo retirèt quand la justícia alemanda rebutèt l’extradicion de Carles Puigdemont per rebellion. Lo segond còp, se refusèt per un defaut de forma, e lo tresen la rebutèron car ja se considerava que la Cort Suprèma espanhòla èra pas competenta per jutjar los elegits catalans en exili.
 
Aquesta confirmacion dona mai de vam als autres independendistas catalan en exili, los eurodeputats Carles Puigdemont, Clara Ponsatí e Toni Comín, ja que, la setmana venenta, una comission d’afars juridics del Parlament Europèu deu tractar una demanda de la Cort Suprèma Espanhòla contra eles.

 
 

2n tribunal de la 3a euroordre: NO HI HA EXTRADICIÓ!

Justícia europea, @un, @amnesty, Nobels de la Pau, 500 parlamentaris de 30 països diferents,...
Què cal més, Espanya?

Prou persecusió ideològica i prou repressió. La lluita per la llibertat continua arreu

— Lluís Puig i Gordi (@LluisPuigGordi) January 7, 2021

 

Game over. El Suprem no era, no és ni serà competent per perseguir-nos. Ni a nosaltres, ni als presos polítics. Llibertat immediata per a @ForcadellCarme, @junqueras, @jorditurull, @raulromeva, @quimforn, @joseprull, @dolorsbassac, @jcuixart i @jordialapreso. https://t.co/2Y1dX3464Z

— Carles Puigdemont (@KRLS) January 8, 2021