capçalera campanha

Actualitats

Internacional

Indonesia: un avion amb 62 personas s’es escrachat davant las còstas de Java

L’avion, un Boeing B737-500 de la companhiá Sriwijaya, deviá far lo trajècte de Jakarta a Pontianak, sus l’isla de Bornèo

Accident aerian en Indonesia. Un avion Boeing 737 amb 56 passatgièrs e sièis membres d’esquipatge tombèt ièr de matin dins la mar après s’enaurar de l’aeropòrt internacional de Soekarno, a Jakarta. Los socorses espèran pas de trobar de subrevivents.
 
L’avion, de la companhiá Sriwi-jaya, deviá far un trajècte d’una ora e mièja fins a Pontianak, sus l’illa de Bornèo. S’envolèt a 6h40 (00h40 ora d’Occitània) e sul pic perdèt lo contacte per ràdio, cambièt la direccion d’un biais sobde e tombèt a 6 km davant las còstas de Java, près de l’illa de Laki.
 
Las autoritats an confirmat que totes los passatgièrs avián lo ciutadanatge indonesian. Ara an installat un burèu a l’aeropòrt de Jakarta per facilitar l’identificacion dels còrses e sosténer las familhas.
 
Boeing se tròba a un marrit moment: lo modèl 737 a patit tres accidents tragics coma aqueste dempuèi 2018.
 
De remembrar, totun, que lo pièger accident aerian de l’istòria d’Indonesia aguèt luòc en 1997, quand un Airbus de la companhiá nacionala Garuda tombèt al nòrd de Sumatra; son bilanç foguèt de 234 mòrts.
 
 
 

abonar los amics de Jornalet

 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
1.

Volar una ora e mieja per l'ocean es pas la faison mai agradiva de volar, se cauen a la mar es molt dificil de los salvar. Mas se a mai aqueste tipe d'avion avia agut tres accident mortal durant l'an passat, la situacion es molt pejor.

  • 0
  • 0

Escriu un comentari sus aqueste article