Actualitats
Catalonha: primièr retorn de l’exili
Adrià Carrasco es tornat après 1007 jorns d’exili, aquitat per la justícia espanòla. Èra acusat de terrorisme pel referendum d’independéncia
Es tornat lo primièr independentista catalan qu’èra en exili. Aqueste diluns passat, Adrià Carrasco es de retorn de Belgica après 1007 jorns, pr’amor que la justícia espanhòla a archivat son afar en considerar que i a pas cap de pròva qu’acredite quin delicte que siá. L’acusavan de presumits delictes de sedicion, rebellion e terrorisme dins una operacion contra los comitats populars qu’ajudèron a l’organizacion del referendum d’independéncia del 1r d’octòbre de 2017.
Tanlèu arribar al país, Adrià Carrasco a fach una conferéncia de premsa davant la Cort Superiora de Catalonha. Puèi, de ser, i aguèt un acamp davant la comuna de sa vila, Esplugues de Llobregat.
Lo 10 d’abril de 2018, una operacion antiterrorista d’agents de la Gàrdia Civila, acompanhats pels mèdias, anèron deténer Adrià Carrasco, que fugiguèt l’ostal pel balcon mentre que la polícia intrava per la pòrta. Aquel meteis jorn, arrestavan a Viladecans Tamara Carrasco, una femna de 37 ans qu’a patit una cachavièlha de mai de dos ans après que foguèt detenguda, encarcerada e puèi assignada a domicili per de presumits delictes de sedicion, rebellion e terrorisme e que l’an aquitada dos ans e mièg après.
“Disián que Tamara e ieu èrem de terroristas, e enfin sèm aquitats de tota acusacion. Eles sabián tre lo primèr moment qu’o èrem pas, mas nos utilizèron per desmobilizar la classa obrièra”, çò a declarat Adrià Carrasco dins sa conferéncia de premsa. Enfin, a fach una crida a l’amnestia totala dels enseguits, valent a dire los presonièrs politics, los que son en exili e los que son denonciats en justícia en afirmar que “si que n’i a de terrorisme, lo que n’acusa es lo que lo practica”.
Núria Tarrés, maire d’Adrià Carrasco, a mercejat per lor sosten lo pòble e los avocats Gonzalo Boye e Christophe Marchand, e a dich que “la paur [los] paralisa pas pus”.
Tanlèu arribar al país, Adrià Carrasco a fach una conferéncia de premsa davant la Cort Superiora de Catalonha. Puèi, de ser, i aguèt un acamp davant la comuna de sa vila, Esplugues de Llobregat.
Lo 10 d’abril de 2018, una operacion antiterrorista d’agents de la Gàrdia Civila, acompanhats pels mèdias, anèron deténer Adrià Carrasco, que fugiguèt l’ostal pel balcon mentre que la polícia intrava per la pòrta. Aquel meteis jorn, arrestavan a Viladecans Tamara Carrasco, una femna de 37 ans qu’a patit una cachavièlha de mai de dos ans après que foguèt detenguda, encarcerada e puèi assignada a domicili per de presumits delictes de sedicion, rebellion e terrorisme e que l’an aquitada dos ans e mièg après.
“Disián que Tamara e ieu èrem de terroristas, e enfin sèm aquitats de tota acusacion. Eles sabián tre lo primèr moment qu’o èrem pas, mas nos utilizèron per desmobilizar la classa obrièra”, çò a declarat Adrià Carrasco dins sa conferéncia de premsa. Enfin, a fach una crida a l’amnestia totala dels enseguits, valent a dire los presonièrs politics, los que son en exili e los que son denonciats en justícia en afirmar que “si que n’i a de terrorisme, lo que n’acusa es lo que lo practica”.
Núria Tarrés, maire d’Adrià Carrasco, a mercejat per lor sosten lo pòble e los avocats Gonzalo Boye e Christophe Marchand, e a dich que “la paur [los] paralisa pas pus”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los erois sempe tornan.
Un fum d'acusacions contra los catalans son estadas montadas artificialament* a travèrs lo comissari Villarejo que, ara fasent de testimòni, declarèt i a mai d'un an qu'a pas brica enveja de se suïcidar. Coma comissari sap plan que d'unes esitaràn pas a lo traire de pels passes de manièra radicala e definitiva se lor es demandat "per l'autoritat competenta" coma del temps del dictator. Que lo Felipe VI n'es lo digne successor, encara mai que son paire, qu'el es sustot los cotilhons que l'interessavan.
Mentretant, los jutges vertadièrs desmontan tot lo bricolatge dels jutges franquistas.
*Parièr pels dirigents de Podemos e d'autres. Es çò qu'en Espanha sonan "las cloacas del Interior".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari