Actualitats
Guèrra de Iemèn: l’ÒNU exigís dels Estats Units que s'abstengan d’etiquetar los actors del conflicte
Mike Pompeo vòl declarar lo grop Ansar Allah coma una organizacion terrorista. L’ÒNU l’a avertit de “grèvas consequéncias umanas e politicas”
Lo secretari d’estat dels Estats Units, Mike Pompeo, vòl declarar lo grop Ansar Allah coma organizacion terrorista. Pasmens, l’ÒNU l’a avertit de “grèvas consequéncias umanas e politicas” se lo Congrès dels Estats Units apròva l’inscripcion de la milícia shiita dels rebèls huthis dins la lista de las organizacions terroristas. O diguèt diluns passat lo pòrtavotz de las Nacions Unidas, Stéphane Dujarric.
Pompeo presentarà son idèa al Congrès lo 19 de que ven, un jorn abans que Biden siá investit president. Mas per l’ÒNU aquela idèa cancelariá las importacions de manjar e d’autres articles essencials a un moment ont los ciutadans de Iemèn morisson de la fam e de la set, e tanben destabilizariá mai encara lo procès politic de Iemèn en plena guèrra civila ont participan las armadas d’un fum de païses.
Una catastròfa umanitària
Dempuèi març de 2015, las armadas d’un desenat de païses, dirigits per l’Arabia Saudita, atacan la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas saudianas contra los huthis.
Segon l’ÒNU, lo país es pròche de la catastròfa umanitària, e 21 milions de iemenitas an de besonh d’assisténcia en Iemèn mentre que las fòrças del govèrn, los saudians e los huthis, contunhan los afrontaments.
Las atacas contra los civils son frequentas, fins al ponch d’aver tuat d’enfants qu’anavan a l’escòla.
Una guèrra amb d’armas francesas
Segon la ministra francesa de las armadas, Florence Parly, i a pas cap “de pròva” que d’armas francesas fagan de victimas civilas en Iemèn. Es atal que reagiguèt en abril de 2019 a las informacions del collectiu d’investigacion Disclose, qu’aviá desvelat un rapòrt classat secret de defensa.
Lo rapòrt en question, datat d’octòbre de 2018, ven de la Direccion de l’Informacion Militara e afirma que las armas exportadas de França, especialament de canons Caesar, serián utilizadas dins la guèrra en cors, compresas las zònas civilas.
Après que foguèt rendut public lo rapòrt, Parly diguèt sus Radio Classique: “A ma coneissença, aquelas armas son pas utilizadas de biais ofensiu dins aquela guèrra en Iemèn, e se pòt pas dire, doncas, de faiçon mecanica, –e cossí que siá ieu ai pas d’elements de pròva que permetan de dire aquò–, que d’armas francesas son a l’origina de victimas civilas en Iemèn”.
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament, es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
Alemanha cancelèt la venda d’armas a l’Arabia Saudita
En octòbre de 2018, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de l’assassinat del jornalista Jamal Khashuqji (sovent transcrich Khashoggi). Parallèlament, los govèrns alemand, britanic e francés publiquèron un comunicat conjonch ont consideravan “injustificable” l’assassinat de Khashuqji que condemnan “dins los tèrmes pus energics possibles”. Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas.
França e Espanha ne contunhan de vendre
Mas pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron. De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat serà establida”, çò diguèt, malgrat las pròvas.
Tanben lo president del govèrn espanhòl, Pedro Sánchez, anoncièt al Congrès dels Deputats que cancelariá pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fasiá referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
Pompeo presentarà son idèa al Congrès lo 19 de que ven, un jorn abans que Biden siá investit president. Mas per l’ÒNU aquela idèa cancelariá las importacions de manjar e d’autres articles essencials a un moment ont los ciutadans de Iemèn morisson de la fam e de la set, e tanben destabilizariá mai encara lo procès politic de Iemèn en plena guèrra civila ont participan las armadas d’un fum de païses.
Una catastròfa umanitària
Dempuèi març de 2015, las armadas d’un desenat de païses, dirigits per l’Arabia Saudita, atacan la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas saudianas contra los huthis.
Segon l’ÒNU, lo país es pròche de la catastròfa umanitària, e 21 milions de iemenitas an de besonh d’assisténcia en Iemèn mentre que las fòrças del govèrn, los saudians e los huthis, contunhan los afrontaments.
Las atacas contra los civils son frequentas, fins al ponch d’aver tuat d’enfants qu’anavan a l’escòla.
Una guèrra amb d’armas francesas
Segon la ministra francesa de las armadas, Florence Parly, i a pas cap “de pròva” que d’armas francesas fagan de victimas civilas en Iemèn. Es atal que reagiguèt en abril de 2019 a las informacions del collectiu d’investigacion Disclose, qu’aviá desvelat un rapòrt classat secret de defensa.
Lo rapòrt en question, datat d’octòbre de 2018, ven de la Direccion de l’Informacion Militara e afirma que las armas exportadas de França, especialament de canons Caesar, serián utilizadas dins la guèrra en cors, compresas las zònas civilas.
Après que foguèt rendut public lo rapòrt, Parly diguèt sus Radio Classique: “A ma coneissença, aquelas armas son pas utilizadas de biais ofensiu dins aquela guèrra en Iemèn, e se pòt pas dire, doncas, de faiçon mecanica, –e cossí que siá ieu ai pas d’elements de pròva que permetan de dire aquò–, que d’armas francesas son a l’origina de victimas civilas en Iemèn”.
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament, es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
Alemanha cancelèt la venda d’armas a l’Arabia Saudita
En octòbre de 2018, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de l’assassinat del jornalista Jamal Khashuqji (sovent transcrich Khashoggi). Parallèlament, los govèrns alemand, britanic e francés publiquèron un comunicat conjonch ont consideravan “injustificable” l’assassinat de Khashuqji que condemnan “dins los tèrmes pus energics possibles”. Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas.
França e Espanha ne contunhan de vendre
Mas pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron. De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat serà establida”, çò diguèt, malgrat las pròvas.
Tanben lo president del govèrn espanhòl, Pedro Sánchez, anoncièt al Congrès dels Deputats que cancelariá pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fasiá referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal escoltar lo que diga l'ONU, qu' es la maxima autoritat mondiala. Mas los ionquis volen comandar sia coma sia tot lo mond, mai que l'ONU, amb sa claca de los paisos autoanomenats democratics.colha de pardals sense alas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari