Actualitats
Puigdemont vòl desplegar l’independéncia de Catalonha se l’estat espanhòl refusa d’autrejar un referendum
Se lo resultat de las eleccions venentas es bon per l’independentisme, assegura que se farà “çò que se faguèt pas en seguida del primièr d’octòbre de 2017”
Lo mes que ven, i aurà d’eleccions regionalas en Catalonha. Segon Carles Puigdemont, se los partits independentistas obtenon mai del 50% dels vòtes caldrà reprene lo procès d’independéncia “aquí ont se daissèt en octòbre de 2017”. Lo president catalan en exili a afortit a la Television de Catalonha que se s’arriba a aquela situacion, çò que cal far primièr es demandar una negociacion per un referendum d’independéncia amb l’estat espanhòl. Mas se l’estat espanhòl vòl pas negociar, alara cal desplegar l’independéncia.
“Dins la davalada de 2017 diguèrem: ‘I aurà una DUI [Declaracion Unilaterala d’Independéncia] mas la desplegarem pas’. Ara disèm que la cal desplegar”, çò a dich Puigdemont. Declara que lo procès s’arrestèt fa tres ans a causa de “la violéncia màger e de la surditat” de l’estat espanhòl. Mas ara Puigdemont assegura que se los vòtes indepedentistas son mai del 50% auràn “la fòrça electorala sufisenta” per menar a bon tèrme “çò que [faguèron] pas en seguida del primièr d’ octòbre de 2017” pr’amor que, per el, “las consequéncias seràn autras”.
Dins aquela entrevista, Puigdemont a tanben parlat de la reünion dels candidats dels dos principals partits independentistas, Amassa per Catalonha (JxCat) e Esquèrra Republicana (ÈRC). Aquestes dos partits son al govèrn de la Generalitat en coalicion mas manifèstan de mai en mai de diferéncias notablas. Pasmens, per Puigdemont es “normal qu’ajan de relacions”. A mai, considèra que se pòt tornar far un govèrn dels dos partits ensems, mas qu’en aquel cas lo caldriá bastir sus “de basas nòvas” amb leialtat e corresponsabilitat.
Enfin, Puigdemont demande al primièr ministre espanhòl, Pedro Sánchez, que gràcie los presonièrs politics e pòrte al debat parlamentari l’amnestia de totes los independentistas represalhats.
“Dins la davalada de 2017 diguèrem: ‘I aurà una DUI [Declaracion Unilaterala d’Independéncia] mas la desplegarem pas’. Ara disèm que la cal desplegar”, çò a dich Puigdemont. Declara que lo procès s’arrestèt fa tres ans a causa de “la violéncia màger e de la surditat” de l’estat espanhòl. Mas ara Puigdemont assegura que se los vòtes indepedentistas son mai del 50% auràn “la fòrça electorala sufisenta” per menar a bon tèrme “çò que [faguèron] pas en seguida del primièr d’ octòbre de 2017” pr’amor que, per el, “las consequéncias seràn autras”.
Dins aquela entrevista, Puigdemont a tanben parlat de la reünion dels candidats dels dos principals partits independentistas, Amassa per Catalonha (JxCat) e Esquèrra Republicana (ÈRC). Aquestes dos partits son al govèrn de la Generalitat en coalicion mas manifèstan de mai en mai de diferéncias notablas. Pasmens, per Puigdemont es “normal qu’ajan de relacions”. A mai, considèra que se pòt tornar far un govèrn dels dos partits ensems, mas qu’en aquel cas lo caldriá bastir sus “de basas nòvas” amb leialtat e corresponsabilitat.
Enfin, Puigdemont demande al primièr ministre espanhòl, Pedro Sánchez, que gràcie los presonièrs politics e pòrte al debat parlamentari l’amnestia de totes los independentistas represalhats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paure Fuigdelmon, es totalament isolat. Viu en una burbulla, li fan cas solament aqueles que cossí el senton lo pes del fracás. per favor virada ja pagina e daissa catalonya que assortisca de la foscor que lo lias portat a el.
FUIG, FUIG, FUIGDELMON, HAS FUGITTTTTTTTTTTTTTTTTT
Puigdemont lo nostre salvador ! Farà una independència virtuala des de Waterloo. El totsol davant de tots, aissò oc, amb un bon sistema per fugir en cas que sia necessari. Per la tv virtuala farà uns braves discurses cada jorn, explicant lo qu' an de far los altres per el capitar e que puga tornar triomfant. Dóna la vida per el, e el solide que non la donarà pus per tu. Comandant que s'o mira des de lonh coma los valents. No mos a falhat jamai e aquesta vegada serà la bona e tant !
Après 37 eleccions ganhadas de seguida : «promés, si ganham la 37ena eleccion, fèm l'independencia per verai aquesto còp» XD
“La violéncia màger e de la surditat de l’estat espanhòl" : C Puigdemont voliá dire "lo supreamicisme e lo criptofranquisme de l'estat espanhòl", supausi… Abans d'administrar un tractament curatiu, primièr cal pausar un diagnostic fisable sus la malautiá. Una malautiá de mai en mai contagiosa, en Euròpa actuala…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari