An arrestat lo menaire d’una de las tres activistas curdas assassinadas a París lo 9 de genièr, que la polícia francesa l’a acusat d’èsser implicat dins lo crime. L’acusat a negat aver cap d’implicacion amb los tres assassinats, qu’esmoguèron la comunautat curda d’Euròpa tota. La polícia lo metèt aital a disposicion de la justícia après n’aver ordenat la detencion dijòus passat. Los enquestaires explican qu’an descobèrt qualques contradiccions dins la declaracion que faguèt suls sieus movements lo jorn dels assassinats, que coïncidisson pas amb las versions d’autres testimònis ni amb los imatges de las camèras.
 
“Foguèt un dels darrièrs a veire las tres activistas vivas”, çò diguèron de fonts de l’enquèsta, qu’indican que quand foguèron descobèrtas las contradiccions e que li demandèron d’explicacions, lo suspècte volguèt pas contunhar de declarar. Las meteissas fonts de l’investigacion, consultadas per de mèdias franceses, an explicat que s’es trobat de rèstas de polvera, dels residús dels tirs, dins los vestits del suspècte.