Lo gigant suedés dels produches d’igiène Essity vòl impausar a sos salariats lo pòrt d’un badge que sonarà se la distanciacion fisica es pas respectada entre los salariats. S’agís de portar un esplech al còl o a la cencha qu’emetrà un son d’85 decibèls quand òm se trobarà a mens de dos mètres d’un autre portaire del badge. Los sindicats s’opausan vivament a aquela idèa, çò rapòrta La Dépêche.
 
Pel sindicat CFDT, “aquò es un sistèma comparable al que dissuadís los cans de lairar” que va “infantilizar completament l’èsser uman”. A mai, avertisson qu’85 decibèls es poissença sonòra minimala d’una alarma o d’una sirena. De son latz, la direccion d’Essity assegura que sa sola tòca es de “preservar la santat”. Vòlon impausar la mesura a la fin de genièr e son a parlar amb los representants dels personals dels nombroses sits de la societat.
 
Essity emplega environ 46 000 personals dins lo Mond entièr. Ten uèch sits dins l’estat francés, quatre dins l’estat italian e tres dins l’estat espanhòl. Cap d’eles es pas en Occitània. Demest sos produches, podèm mençonar en particular las marcas Lotus, Nana, Saba e Tena.

 

Le géant des produits d'hygiène, #Essity veut imposer d'ici fin janvier à ses salariés en France, un boîtier autour du cou qui émettra un son de 85 décibels si une distanciation sociale de moins de deux mètres n'est pas respectée entre les salariés.https://t.co/eU9Dly6enR

— Anonyme Citoyen (@AnonymeCitoyen) January 13, 2021