Actualitats
Espanha: PSÒE, PP e Vox empachan que s'enquiste sus Joan Carles de Borbon
An empedit la mesa en òbra d’una comission parlamentària per enquistar sus l’emplec de cartas de crèdit opacas per l’èx-monarca
La drecha (Partit Popular), l’extrèma drecha (Vox) e los socialistas (PSÒE) an empedit la dobertura d’una enquista sus la corrupcion del rei emerit d’Espanha, Joan Carles Ir. Los partits catalans, galècs e bascos, e l’esquèrra de Podèm, avián demandat la mesa en òbra d’una comission parlamentària per enquistar sus l’emplec de cartas de crèdit opacas per l’èx-monarca.
E mai l’èx-monarca pòsca pas èsser mes en examen e jutjat per tot çò que faguèt abans son abdicacion, a causa de l’immunitat que li reconeis la Constitucion espanhòla, si qu’o pòt èsser per tot çò qu’auriá fach après lo mes de junh de 2014. Ça que la, los vòtes dels deputats del PSÒE, PP e Vox an empachat l’enquista.
Lo pòrtavotz de Podèm, Pablo Echenique, planh que los monarquistas ajan empedit l’enquista sense cap d’argument juridic qu’o justifique.
Amagat als Emirats Arabis
Joan Carles Ir demòra amagat als Emirats Arabis Units. Al començament d’agost abandonèt l’estat espanhòl per “facilitar” lo regne de Felip VI après la “repercussion publica” qu’an “cèrts eveniments del passat”.
Blanquiment d’argent e delicte fiscal
yLo parquet anticorrupcion espanhòl a dobèrt una enquista a prepaus de las despensas de divèrsas cartas de crèdit que las emplegavan Joan Carles de Borbon e sa femna, Sofia de Grècia. A mai, la justícia tanben lo met en examen per blanquiment d’argent e delicte fiscal.
E mai la justícia de Soïssa dobriguèt una enquista après que La Tribune de Genève aguèt publicat que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
E mai l’èx-monarca pòsca pas èsser mes en examen e jutjat per tot çò que faguèt abans son abdicacion, a causa de l’immunitat que li reconeis la Constitucion espanhòla, si qu’o pòt èsser per tot çò qu’auriá fach après lo mes de junh de 2014. Ça que la, los vòtes dels deputats del PSÒE, PP e Vox an empachat l’enquista.
Lo pòrtavotz de Podèm, Pablo Echenique, planh que los monarquistas ajan empedit l’enquista sense cap d’argument juridic qu’o justifique.
Amagat als Emirats Arabis
Joan Carles Ir demòra amagat als Emirats Arabis Units. Al començament d’agost abandonèt l’estat espanhòl per “facilitar” lo regne de Felip VI après la “repercussion publica” qu’an “cèrts eveniments del passat”.
Blanquiment d’argent e delicte fiscal
yLo parquet anticorrupcion espanhòl a dobèrt una enquista a prepaus de las despensas de divèrsas cartas de crèdit que las emplegavan Joan Carles de Borbon e sa femna, Sofia de Grècia. A mai, la justícia tanben lo met en examen per blanquiment d’argent e delicte fiscal.
E mai la justícia de Soïssa dobriguèt una enquista après que La Tribune de Genève aguèt publicat que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dòn Corleòne pòt comptar sul PPSOE per evitar tota enquèsta sus sa Cosa Nostra.
L'artista Papillon aviá plan rason : quand Jaurés moriguèt, sebeliguèrem lo socialisme. Auriá degut, Jaurés, despausar lo nom, la marca "socialista". Non èra de mòda a esquèrra e, de tot biais, del sieu temps, aquò non se fasiá. Mas ara, ne vesèm la resulta : e mai unas actituds fascistas e reacconàrias, plan segur antidemocraticas, se pòdon torbar sostengudas per de "socialistoïds" de farlabica totala.
Apelar aquò de socialisme equival a condamnar a mòrt los darrièrs vestigis de democracia. A que de bon anar votar a esquèrra, s'es per nos empegar un còp de mai una tropelada d'arlèris reaccionaris e supremacistas (franceses o castelhans…) coma aqueles del PSOE actual, o de segregacionistas opausats a las lengas ditas mespresosament "regionalas" que la melanchonalha ordinària ?
Aqueste païsatge politic fa venir lo vomit e lo racacòr, e far montar sempre mai l'abstencionisme.
Pareis que non i a res pus que parlar del que foguet rei, se cobret comissions per anar a Arabia Saudita a veire sos parents. Oc compreron per aquel temps quatre lauts per anar a percar, mas sos parents non an cap aficion ni mai la pesca, ni la caça; tot lo dia dormen perquè per la nit barrinen amb lo sieu arem de cinquanta femnas a mai d'altras. Es coma jugar a la loteria, uei aquesta e deman aquesta altra e passat deman faré lo dia de descans se ven lo mieu cosin d'Espanha..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari