Actualitats
Itàlia: Renzi a forçat a una crisi de govèrn
L’ex-primièr ministre retira sas doas ministras de l’executiu de Conte per protestar contra la gestion dels fonzes de recuperacion economica de l’UE
Lo cap del partit Itàlia Viva compareguèt dimècres davant los mèdias per confirmar qu’Itàlia Viva abandonava l’executiu en tot anonciar lo renonciament de las doas ministras de son partit. Aquela decision met en question la subrevivéncia del govèrn de Giuseppe Conte del qual fan tanben partida lo Movement 5 Estelas (M5S) e lo Partit Democratic (PD).
Renzi planh lo resultat d’una crisi que “qu’es dobèrta dempuèi de meses” e critica que la politica italiana siá venguda un “reality show”. Ara se declara segur que lo president italian, Sergio Matarella, serà capabla de gerir la situacion.
Abans de la compareissença de Renzi, Conte anèt al palais del Quirinal per rescontrar Mattarella. Après lor amassada, lo primièr ministre italian reconeguèt als mèdias que lo govèrn se podiá pas manténer e que trabalhava amb Renzi per evitar la rompedura definitiva. Conte espèra d'evitar una crisi que, a son vejaire, “lo país comprendrà pas”.
La democrazia o è sempre o non è. Chi, in nome della pandemia, pretende di fermare il gioco democratico, non sta bloccando la pandemia, sta bloccando la libertà. Non sta bloccando il virus, sta bloccando la politica. pic.twitter.com/j6EL4PZc72
— Matteo Renzi (@matteorenzi) January 13, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 quand sii organizada una reunion de redactors ende definir una linha, objectius e un biaish clar de foncionar, lo cap-redactor sap la mia adressa si me vòu contactar...
#1 Jornalet qu'accèpta la collaboracion deus legedors. Se voletz escríver articles, no'vs sia grèu de'us prepausar a la redaccion.
#1 Esperam amb impaciéncia lo vòstre quotidian de mai qualitat
Sabi pas com son causits los tèmas tractats per jornalet.
Gaseta occitana ? S'i parla absolutament pas jamei d'Occitània.
Los esvanis dau cantonament ? jamei. La privatisacion dau Pòrt-la-Novèla ? briga. Los aigats dens las lanas ? gens. L'analisis de 2020 economica, agricòla, culturala, politica ? arren. Las eleccions regionalas qu'arriban ? pfff.
Après, s'indignar dau mespres parisenc, quand quitament lo medià principau occitan s'interessa pas a l'actualitat occitana...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari