Actualitats
Cronicas del confinament: aicí lo vaccin!
Abans de me far vaccinar, ponçonar, volguèri saber de qué m’anavan ficar dins lo còrs
Abans de me far vaccinar, ponçonar, volguèri saber de qué m’anavan ficar dins lo còrs. Alara m’entresenhèri e m’avisèri qu’anavi reçaupre:
Aprenguèri qu’anavi reçaupre tanben de:
— Sacaròsa,
A i espinchar de prèp, me disi que pòrti en ieu ja la mitat del vaccin!
E puèi me demandi cossí me van fissar. Quina partida del còs van traucar. Me laissaràn causir entre la cuèissa, lo cuol, las espatlas? La drecha, la senèstra? Un còp l’endrech decidit, van picar drech o de travèrs ? Me van desgraissar la codena? Un còp, dos còps? Es que me van estirar la pèl o l’esquichar coma una figa entre det gròs e guinhaire? Es que l’agulha sera corteta de tròp o longarassa?
Quora me demandaràn s’ai enveja de me far picar, anarai consultar l’ARS, e quora m’auràn explicat plan clarament la diferéncia entre l’ALC-0315 e l’ALC-0159 decidirai.
Per ara, espèri. Soi encara jove de tròp! I ai pas drech!
Clamenç
umorista de lenga occitana
— un antigèn —parli pas de cartagèna!— ARN BNT 162b2.
Aquí me sentissi piòt. Pòdi just far lo ligam entre ARN e ADN. Es tot! Sabi de qu’es lo BTS mas lo BTN, pecaire! Lo 162b2, coneissètz? Ieu de femnas amb un sosten 85B , 95 C, 105D n’ai conegut, mas amb un 162b2 jamai!
Aprenguèri qu’anavi reçaupre tanben de:
— ((4-idroxibuti)azanedil (exane-6,1-dil)bis (2-exildecaonat)(ALC-0315),
Aquí soi infotut de saber de qu’es l’ALC-0315. Me fa just pensar a l’ANC e a Mandela.
—2-[(polietilèn glicòl)-2000]-N,N-dietradecilacetamida (ALC-0159) ,
Sul pic, reconeissi polietilèn e vesi: botelhas de lach, taps, flascons per se lavar los pels... E lo glicòl l’emplegavi, un còp èra, per empachar lo liquid de refrejament del motor de la veitura de gelar. Los vièlhs de la montanha comprendràn çò que vòli dire!
—1,2- distearoyl-sn-glicero-3- fosfocolina (DSPC),
I a just “glicèro” que me ditz quicòm en matéria de pintura. Arrèstan pas de m’aconselhar la “glicèro” coma pintura! Entre la passar suls contravents e l’ensacar dins lo muscle, es pas parièr!
— Colesteròl,
Aquò, lo colesteròl coneissi. E per conéisser, coneissi! Soi una fabrica de colesteròl. A ieu tot sol, podriái alimentar Pfizer, Modèrna,...
— Clorur de potassi,
Coma fau l’òrt, ne fau venir de potassi entre las pomas d’amor, las mongetas, las favas... Rai de potassi, n’ai!
— Fosfat disodic desidratat,
Coma ai de fedas qu’an de lach, de cabras qu’an de lach, de galinas que me fan d’uòus, pel fosfat soi pas lo pus mal plaçat.
— Sacaròsa,
Cada matin te bevi una bolada de chocolat al lach amb un desenat de sucres. Cresi que quichi un pauc sus la sacaròsa!
— Aiga per preparacions injectablas.
De quina aiga parlan? L’aiga d’Alet, l’aiga de Quesac, l’aiga benesida, l’aiga de la canèla?
A i espinchar de prèp, me disi que pòrti en ieu ja la mitat del vaccin!
E puèi me demandi cossí me van fissar. Quina partida del còs van traucar. Me laissaràn causir entre la cuèissa, lo cuol, las espatlas? La drecha, la senèstra? Un còp l’endrech decidit, van picar drech o de travèrs ? Me van desgraissar la codena? Un còp, dos còps? Es que me van estirar la pèl o l’esquichar coma una figa entre det gròs e guinhaire? Es que l’agulha sera corteta de tròp o longarassa?
Quora me demandaràn s’ai enveja de me far picar, anarai consultar l’ARS, e quora m’auràn explicat plan clarament la diferéncia entre l’ALC-0315 e l’ALC-0159 decidirai.
Per ara, espèri. Soi encara jove de tròp! I ai pas drech!
Clamenç
umorista de lenga occitana
| fffff | fffff | fffff | ||
| Lo confinament dels legeires de Jornalet | ||||
 | Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires. As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor? | |||
| Manda tos documents a info@jornale... Convivéncia e paratge en confinament. | ||||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari