La Cort de Cassacion de França a enebit tota sòrta de pegasolets sus las placas d’immatriculacion de las veituras. Aquela decision afècta totes aqueles occitans que dempuèi un fum d’annadas pòrtan “ÒC” sus las placas, del temps que greujarà los catalans, bascos, bretons, còrses e d’autres ciutadans de minoritats nacionalas de l’estat que vòlon metre lor identitat en valor. Lo pus naut tribunal de la republica francesa a tanben enebit que los ciutadans càmbien, eles meteisses, lo numèro de departament, una practica abituala demest los parisencs quand se desplaçan fòra de l’Illa de França.
 
La cort a donat rason a un fabricant de placas d’immatriculacion que denonciava la comercializacion dels adesius que modifican las placas, e ara aquela practica se considèra coma de concurréncia desleiala.
 
Las multas previstas pels que modificaràn lors placas, coma lo lògo de la region o lo numèro de departament, son d’entre 40 e 60 èuros. En cas d’infraccion, la multa pòt anar dels 135 fins als 750 èuros.