CAPÇALERA PAIS INVISIBLE

Actualitats

InternacionalPoliticaSocietat

Brasil: lo desastre sanitari a descadenat las protèstas contra Bolsonaro

La manca d’oxigèn dins los espitals, lo retard de l’arribada dels vaccins e la marrida gestion d’un president autoritari an entraïnat una enòrma caçairolada dins tot lo país

Lo desastre sanitari que lo patís Brasil a amodat una dimenjada de protèstas contra lo president, Jair Bolsonaro. Dissabte, a 20h30, una enòrma caçairolada ressonèt per tot l’estat sud-american en seguida d’una crida que s’èra lançada suls rets socials après la situacion desastrosa qu’aclapa tot lo país e mai que mai l’estat d’Amazònas, al nòrd, ont sa capitala, Manaus, manca de lièches d’espital e d’oxigèn per tractar los malauts. Al total, Brasil compta mai de 200 000 mòrts a causa de la covid-19.
 
Delà las caçairoladas, i a agut de manifestacions a São Paulo, Rio de Janeiro, Belo Horizonte, Recife, Curitiba e Brasília, e d’autras vilas. Los manifestants acusavan Bolsonaro d’un “genocidi” e reclamavan lo “vaccin”.
 
Suls rets socials, plusors personalitats an sostengut las protèstas, dont l’èx-president Luiz Inácio Lula da Silva, que manifestèt sus Twitter son “ànsia” e son “indignacion” per “la situacion del pòble de Manaus”.
 
Las protèstas arribavan l’endeman que Bolsonaro aguèt anonciat tornarmai un repòrt de las vaccinacions per manca de logistica.

 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
4.

La dreta del Brasil es criminala e s'enfot de la gent que non ten diners. Cola de salvatges que rauban als paures. Mas ara per curar la pandemia auran d'ajudar als que non tenen res, per que sinon los quatre rics tanben pagaran las conseqüencias.

  • 1
  • 0
Maignial Galhac
3.

#1 Lo pòble brasilenc es fòrça mai jove que los d'euròpa, e l'edat es tras qu'important ambe aquela malautia. En mai, lo clima ie es mens propici al desvolopament del virus responsable de la covid19. Brasil auria degut aveire un bilanç plan melhor que lo nòstre, mès Bolsonaro a gerit la situacion d'una manièira catastrofica. Vòli dire: encara mai catastrofica que los caps d'estat europèus.

  • 7
  • 0
Franc Bardòu
2.

#1 E mai, al nivèl policièr davant las manifestacions contestatàrias, poiriam tanben comparar los metodis de LAREM (La Repression En Marcha) e los metòdis de Bolsonaro. Non soi segur del nom de lo que ganhariá la copa del mai fascista… Sense parlar dels porjèctes de "Sécurité globale…"

  • 4
  • 3
Miguel Da Silva RIO
1.

Brasil = 209 000 000 de poblants, 8 500 000 cases, 210 000 mòrts. Mortalitat = 0,1%, letalitat = 2,47%

França = 67 000 000 de poblants, 2 911 000 cases, 70 300 mòrts. Mortalitat = 0,1%, letalitat = 2,41%

Estats-Units = 332 000 000 de poblants, 24 118 000 cases, 401 256 mòrts. Mortalitat = 0,12%, letalitat = 1,66%

Es qué podèm vertadièrament parlar de desastre sanitari o es de simpla propaganda messorguièra ? Avèm lo drech de pas aimar Bolsonaro, de pas aimar Trump, de pas aimar tal o tal mas cal èsser onèste e pas mentir a de fins politicas. Aquò es vergonhós e es un procedat quasi faissista o totalitari.

  • 2
  • 9

Escriu un comentari sus aqueste article