Dempuèi aqueste diluns, Uvagut TV emet 24h/24 en las lengas autoctònas de Nunavut per satellit, cable e Internet
Una cadena de television en las lengas autoctònas de Nunavut s’inaugurèt ièr diluns, 18 de genièr, en Canadà. Nomenada Uvagut TV, la cadena emet 24 oras per jorn los 7 jorns de la setmana, e sas emissions se pòdon veire per cable, per satellit e tanben sul sit isuma.tv. La programacion compren de programas infantils, de sèrias, de filmes, de documentaris, d’informatius e qualques emissions en dirècte, çò rapòrta Nationalia.
La cadena l’a creada lo Ret de Television Independenta de Nunavut (NITV segon sa sigla en anglés), una societat de produccion inuit que trabalha dempuèi 1991 coma centre de formacion e que produtz d’emissions en inuktut, qu’es lo nom donat a l’ensemble d’aquelas lengas inuits.
Las lengas inuits son oficialas en Nunavut e dins los Territòris del Nòrd-Oèst, doas de las 13 divisions territorialas federadas de Canadà. Ça que la, son menaçadas e de mai en mai remplaçadas per l’anglés.
La presidenta del NITV, Lucy Tulugarjuk, espèra que la nòva cadena contribuirà al combat urgent per manténer vivas aquelas lengas e culturas.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aiçò es lo que nos cal, aver una television occitana per lo terrestre o TDT, los paisos indigensa del Canadà fins e tot tenen la sieuna tv per emparar sa cultura. Cal demanar la freqüència per poder emetre la tv de la Region Occitania. Realment no tenen cap excusa per que París negue las televions de las Regions .Encara que no donàs l'Estat diners, las regions an de voler tenir ne . I pòt aver ajudas de l'UE e de la publicitat. La lenga Occitana fina coma la dels temps dels trobadors ja està enlestida per causar l'admiracion e gaug de totòm, coma en temps dels trobadors.
Fa plasèr de veire que dins lo monde entièr la defensa dei lengas autoctònas es en marcha !
Sem pas tot sols de nos batre per nos faire reconéisse !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Aiçò es lo que nos cal, aver una television occitana per lo terrestre o TDT, los paisos indigensa del Canadà fins e tot tenen la sieuna tv per emparar sa cultura. Cal demanar la freqüència per poder emetre la tv de la Region Occitania. Realment no tenen cap excusa per que París negue las televions de las Regions .Encara que no donàs l'Estat diners, las regions an de voler tenir ne . I pòt aver ajudas de l'UE e de la publicitat. La lenga Occitana fina coma la dels temps dels trobadors ja està enlestida per causar l'admiracion e gaug de totòm, coma en temps dels trobadors.
Fa plasèr de veire que dins lo monde entièr la defensa dei lengas autoctònas es en marcha !
Sem pas tot sols de nos batre per nos faire reconéisse !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari