Actualitats
La justícia russa a encarcerat Aleksei Navalni a l’endeman de son retorn
L’opausant rus tornava a Moscòu après qualques meses de convalescéncia a Berlin, a causa d’un empoisonament amb un agent nerviós dich Novichok
La justícia russa a encarcerat Aleksei Navalni, après que foguèt arrestat dimenge passat a l’aeropòrt de Sheremetievo. L’opausant rus tornava a Moscòu après qualques meses de convalescéncia a Berlin, a causa d’un empoisonament amb un agent nerviós dich Novichok. La polícia lo detenguèt per un mandat d’arrèst dictat pel Servici Federal Penitenciari. Es acusat de transgredir los tèrmes d’una polemica senténcia precedenta que li impausava una condemnacion suspenduda e la libertat condicionala. Navalni serà en preson fins al 15 de febrièr. Demanda al pòble rus que prenga las carrièras.
L’Union Europèa a exigís de Russia que lo meta en libertat “immediatament”. De son caire, Amnestia Internacionala, tanben a demandat sa mesa en libertat e l’a qualificat de “presonièr de consciéncia”.
Alexei Navalni es un activista anticorrupcion conegut. Es vengut l’opausant pus critic e ferme a Vladimir Putin. L’an arrestat mai d’un còp per sa dissidéncia politica e sa militància.
Detencions a l’aeropòrt
L’avion que menava Navalni foguèt desviat al darrièr moment. Èra previst qu’arribèsse a l’aeropòrt de Vnukovo ont plusors partisans de Navalni s’èran acampats. La polícia los faguèt sortir e ne detenguèt una vintena, dont son fraire Oleg Navalni.
Ja en setembre passat Aleksei Navalni aviá assegurat, dins lo primèr messatge que mandava de l’espital estant, que voliá tornar en Russia, qu’aviá pas paur e qu’aviá drech de tornar a l’ostal. Dimenge, dins son viatge de retorn, diguèt tornarmai qu’aviá pas paur.
Navalni senhala Putin
Dempuèi que foguèt empoisonat, Navalni acusa dirèctament lo president de Russia, Vladimir Putin, d’aver ordenat son empoisonament amb de Novichok, una substància enebida d’usatge militar.
Cronica d’un empoisonament
Lo 20 d’agost passat, Alexei Navalni èra espitalizat en Siberia dins lo còma en seguida de son empoisonament. Tornava en avion de Moscòu, comencèt de se sentir mal e l’avion deguèt far un aterratge d’urgéncia a Omsk. Sospechava que l’intoxicacion li èra venguda dins un tè pres a l’aeropòrt de Tomsk, abans de prene l’avion. Tanlèu que los mètges russes aguèron assegurat que i aviá pas d’indicis d’empoisonament, la familha demandèt que lo transferiguèsson devèrs un espital de Berlin. Aquí los mètges confirmèron son empoisonament amb de Novichok.
Probable empoisonament precedent
Un an abans, Navalni èra estat espitalizat per una allergia mentre qu’èra en preson. Alavetz, sa portavotz expausèt ja la paur de l’empoisonament car Navalni aviá pas jamai agut cap de reaccion allergica.
A aquel moment, Navalni e mai d’un milièr de personas foguèron encarcerats pendent un mes per aver promogut una manifestacion dins la quala aperaquí 20 000 personas avián protestat contra lo conselh electoral rus: d’efièch, aqueste aviá enebit divèrsas candidaturas d’oposicion a las eleccions legislativas. Tanben en 2017 l’avián arrestat a el e un centenat de manifestants que denónciavan la corrupcion del Kremlin.
L’Union Europèa a exigís de Russia que lo meta en libertat “immediatament”. De son caire, Amnestia Internacionala, tanben a demandat sa mesa en libertat e l’a qualificat de “presonièr de consciéncia”.
Alexei Navalni es un activista anticorrupcion conegut. Es vengut l’opausant pus critic e ferme a Vladimir Putin. L’an arrestat mai d’un còp per sa dissidéncia politica e sa militància.
Detencions a l’aeropòrt
L’avion que menava Navalni foguèt desviat al darrièr moment. Èra previst qu’arribèsse a l’aeropòrt de Vnukovo ont plusors partisans de Navalni s’èran acampats. La polícia los faguèt sortir e ne detenguèt una vintena, dont son fraire Oleg Navalni.
Ja en setembre passat Aleksei Navalni aviá assegurat, dins lo primèr messatge que mandava de l’espital estant, que voliá tornar en Russia, qu’aviá pas paur e qu’aviá drech de tornar a l’ostal. Dimenge, dins son viatge de retorn, diguèt tornarmai qu’aviá pas paur.
Navalni senhala Putin
Dempuèi que foguèt empoisonat, Navalni acusa dirèctament lo president de Russia, Vladimir Putin, d’aver ordenat son empoisonament amb de Novichok, una substància enebida d’usatge militar.
Cronica d’un empoisonament
Lo 20 d’agost passat, Alexei Navalni èra espitalizat en Siberia dins lo còma en seguida de son empoisonament. Tornava en avion de Moscòu, comencèt de se sentir mal e l’avion deguèt far un aterratge d’urgéncia a Omsk. Sospechava que l’intoxicacion li èra venguda dins un tè pres a l’aeropòrt de Tomsk, abans de prene l’avion. Tanlèu que los mètges russes aguèron assegurat que i aviá pas d’indicis d’empoisonament, la familha demandèt que lo transferiguèsson devèrs un espital de Berlin. Aquí los mètges confirmèron son empoisonament amb de Novichok.
Probable empoisonament precedent
Un an abans, Navalni èra estat espitalizat per una allergia mentre qu’èra en preson. Alavetz, sa portavotz expausèt ja la paur de l’empoisonament car Navalni aviá pas jamai agut cap de reaccion allergica.
A aquel moment, Navalni e mai d’un milièr de personas foguèron encarcerats pendent un mes per aver promogut una manifestacion dins la quala aperaquí 20 000 personas avián protestat contra lo conselh electoral rus: d’efièch, aqueste aviá enebit divèrsas candidaturas d’oposicion a las eleccions legislativas. Tanben en 2017 l’avián arrestat a el e un centenat de manifestants que denónciavan la corrupcion del Kremlin.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel tipe es anat volontàriament s'escampar dins la gola del lop. Era previst d'abança, calia pas èsser grand clergue per saupre de que faria Poutine tre que tornaria en Russia. Amusa-te, s'as escapat per miracle a un assassinat a escopir amb rason sus ton tuaire, puèi tornas plan-plan a cò d'aquel tuaire coma se res non èra, a ton vejaire de que risca de se passar ? E ben, tan segur que l'aiga banha e que lo fuòc crema saique qu'aqueste còp aquel te mancarà pas. Emai un dròlle de dètz ans o comprendria. A se demandar çò,qu'a dins la ment aquel ex-oligarc. Es-ti de necitge o de masoquisme ?
Anet a Alemanya a dire que los services secrets l'avian volgut matar. Quan tornet foguet arrestat per dire messorgas, paubret el que se pensava que los iancos li donarian subvencions per poder viure per tota la vida aital.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari