CAPÇALERA PAIS INVISIBLE

Actualitats

Societat

#Metooinceste: après l’afar Olivier Duhamel plusors victimas testimònian suls rets socials

Una avalanca de messatges testimònia los traumatismes de gents que, quand èran enfants, patiguèron d’abuses sexuals de part de lor esfèra familiala

| Ulrike Mai
Après la publicacion del libre de Camille Kouchner, que desvela un escàndol d’agressions sexualas qu’aurián comesas l’èx-eurodeputat Olivier Duhamel, de centenats de victimas de l’estat francés son a testimoniar suls rets socials. Jos l’etiqueta #Metooinceste una avalanca de messatges testimònia los traumatismes de gents que, quand èran enfants, patiguèron d’abuses sexuals de part de lor esfèra familiala.
 
Entitolat La familia grande (sic), lo libre de Camille Kouchner, acusa Olivier Duhamel, un dels universitaris mai prestigioses de França, d’aver violat a repeticion son filhastre quand èra menor. La victima es lo fraire besson de l’autora.
 
En plen impacte d’aquel afar, de nombrosas personas an explicat lor cachavièlha personala sus Twitter e sus Instagram. Fòrça messatges sostenon las personas qu’an agut lo coratge d’expausar lor cas. A mai, se planh que los delictes d’abuses sexuals expiren 30 ans puèi, çò qu’ajuda pas brica las victimas a trobar la justícia.
 
#Metooinceste es una iniciativa del collectiu feminista Nous Toutes (Nosautras Totas), qu’exigisson que s’aplique la lei per localizar e condemnar aquela mena de delicte, e mai que mai que s’agisca per protegir los menors.
 
La campanha seguís lo movement #Metoo qu’espeliguèt en 2017 per desvelar los cases de viòls e grèus abuses sexuals en seguida de las denóncias contra lo realizaire Harvey Weinstein. Dins l’estat francés, lo #Metoo se popularizèt amb l’etiqueta #BalanceTonPorc.

 
 
 
 

 

 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Nas de guit
6.

#4 Qu'ei notat. Mercés de la vòsta responsa.

  • 2
  • 0
francesc palma
5.

Efectivament ont i a mai de violacions non es per part de la glesia, senon dins la mateissa familha. Paires que violan als filhs e filhas. Filhs que violen als paires . Una orgia familiara tabú que fins ara se disia pas, mas se sabia.

  • 1
  • 0
Gerard Joan Barceló Pèiralata
4.

#3 Aqueste òrdre es atestat en gascon, mas soi pas segur que pòsca èsser obligatòri pertot en occitan. Mistral ditz "nosautrei totei", per exemple.

  • 8
  • 2
Nas de guit
3.

Nosautras totas --> Totas nosautras

  • 1
  • 4

Escriu un comentari sus aqueste article