capçalera campanha

Actualitats

InternacionalPolitica

La cort d’Estrasborg condemna tornarmai l’estat espanhòl per tortura

Iñigo González denoncièt mai d’un còp qu’aviá patit de torturas pendent sa detencion. La Còrt Europèa dels Dreches Umans considèra que l’estat espanhòl deviá enquistar sus aquel fach

| Naiz
La Cort Europèa dels Dreches Umans (CÈDU) a tornarmai condemnat l’estat espanhòl per aver pas examinat de denóncias de torturas. Dimars passat, la cort d’Estrasborg se prononcièt sus l’afar Iñigo González qu’aviá denonciat de torturas après son arrestacion fa dètz ans. La CÈDU a estimat que l’estat espanhòl auriá degut dobrir una enquista sus las denóncias de González e, per tant, que s’es mancat a l’article 3 de la Convencion Europèa dels Dreches Umans. En consequéncia, a impausat que se pague una compensacion de 20 000 èuros a Iñigo González.
 
González l’arrestèron en genièr de 2011, pauc après la trèva d’ÈTA. Amb el, detenguèron tanben Gorka Zabala, Jon Patxi Arratibel e Gorka Mayo per òrdre del jutge Fernando Grande-Marlaska, qu’ara es lo ministre de l’Interior del govèrn espanhòl. Los detenguts foguèron acusats de far partida d’una “organizacion terrorista” per èsser membres de l’organizacion independentista Ekin.
 
A aquel moment, lo jornal Gara assabentèt que González aviá denonciat d’èsser estat tabasat sus tot son còrs, que patiguèt de simulacres de viòl, d’asfixias amb un sac e l’aplicacion d’electròdes. A mai, l’aurián menaçat de far mal a sa familha.
 
En 2015, la CÈDU aviá ja condemnat l’estat espanhòl per una denóncia similara facha per Jon Patxi Arratibel. D’efièch, Arratibel signèt sa declaracion al comissariat amb lo mot aztnugal, çò es lo mot ajuda en basco escrich a l’envèrs.
 
 
 
 
 

abonar los amics de Jornalet

 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Julien Berlin
4.

#1 Es la definicion espanhola abituala : li a pas cap operacion "terrorista" ligada a Ekin o Inhigo, li a manco pas una "apologia" concreta (una caracterisacion francesa qu'es ja problematica mai que si pou pas applicar aqui). La justicia espanhola a simplament besonh d'una suspicion de simpatia.

  • 1
  • 0
Pitaluga
3.

Cada jorn que passa, se vei que la tan vantada transicion èra una sembla-transicion.
Coma diguèt lo dictator abans de morir : Todo está atado y bien atado (Tot es nosat e plan nosat).

  • 7
  • 0
francesc palma
2.

#1 Gaita coma en temps de Paca la Culona.

  • 3
  • 0
Franc Bardòu
1.

La question que me pausi, ieu, en amont de las torturas es : aquesta organizacion independentista Ekin, èra o non èra a de bon terrorista ? Una governança autoritarista a lèu fait de classificar "terrorista" tot çò que non li conven. Lo paire del mieu paire el tanben foguèt classificat terrorista, tre que se foguèt engatjat dins la resisténcia, en Gasconha tolosana, entre 1942 e 1945… Per tot çò que tòca Euskadi, me pausi la question, sistematicament… E granda es ma perplexitat.

  • 11
  • 0

Escriu un comentari sus aqueste article