Actualitats
Trump a acordat la gràcia presidenciala a Steve Bannon
Abans de quitar l’Ostal Blanc, l’èx-president estatsunidenc a autrejat 73 gràcias presidencialas
Abans de quitar l’Ostal Blanc, Donald Trump a acordat la gràcia presidenciala a 73 personas, dont son èx-conselhièr Steve Bannon, polemic ideològ d’extrèma drecha en preson per una frauda de milièrs de dolars dins una campanha de collècta de fonzes per bastir lo mur frontalièr amb Mexic. A mai, a tanben graciat d’ancians membres del Congrès e los cantadors de rap Lil Wayne e Kodak Black, jutjats per de delictes federals restacats al trafec de las armas.
Mas Trump a pas ensajat de s’autrejar una pregràcia a el meteis en cas que siá jutjat per l’assaut del Capitòli de Washington, coma o avián especulat qualques mèdias. Tanpauc a pas acordat la gràcia als membres de sa familha encarcerats ni a son èx-avocat personal, Rudy Giuliani; ni al fondador de WikiLeaks, Julian Assange, qu’es encarcerat a Londres a l’espèra que los tribunals resòlgan lo recors dels Estats Units contra lo refús britanic de son extradicion.
Mas Trump a pas ensajat de s’autrejar una pregràcia a el meteis en cas que siá jutjat per l’assaut del Capitòli de Washington, coma o avián especulat qualques mèdias. Tanpauc a pas acordat la gràcia als membres de sa familha encarcerats ni a son èx-avocat personal, Rudy Giuliani; ni al fondador de WikiLeaks, Julian Assange, qu’es encarcerat a Londres a l’espèra que los tribunals resòlgan lo recors dels Estats Units contra lo refús britanic de son extradicion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Good Bye Trump. Arreveire. Arrivederci. Arreveure. Bon viatge. A Dieu siatz. Ta logo. Fot al camp ! Mas pensa mos veirem al judici.
Aquesta nocion de "gràcia presidenciala" me sembla totalament capborda. Qui es aqueste mariòl, per qui se prend, per se permetre de subressèire aital al jutjament d'unes tribunals independents e daissar anar e venir aital, dins la natura, de criminals degudament comdamnats, ja que jutjats colpables ? Efectivament, a l'invèrsa, los prèisonièrs politics e inculpats politics (Snownden e Assange), que non son ges ni micas de criminals, eles, non son pas estats graciats. Es dire un pauc l'inanitat semantica d'una costuma aital…
A çaquelà doblidat Snowden e Assange. Tròbi risolièr los partidaris d'un Trump enemic de "l'Etat profond"... Nècis !
Macron = Biden pas Trump.
Se passera pas lo mes de Mars sens que lo trumpisme ganha tota la planeta.
Los desjos de la politica son pus negres que las tenebres de la Bible.
E Benalla a totjorn la gràcia presidenciala de Macron.
Se cal far pas d'illusions : i a un trumpetet a l'Elisèu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari