D’organizacions environamentalistas europèas demandan lo retorn dels trens transfrontalièrs. Un rapòrt publicat per aquelas ONG conclutz que lo melhorament del ret ferroviari europèu poiriá reduire las emissions de CO2 en permetent que l’Union Europèa arribe a son objectiu de neutralitat climatica d’aicí a 2050.
 
Lo rapòrt fa una crida a la “Renaissença del rail” e demanda als païses de l’UE de refortir los ligams transfrontalièrs, d’investiments dins las infrastructuras ferroviàrias dins totes los païses e la simplificacion dels sistèmas de reservacion per que sián accessibles e clars. A mai, demandan fòrça particularament lo retorn dels trens de nuèch de las grandas linhas internacionalas entre capitalas europèas.
 
“Un trajècte en avion a sèt còps mai d’impacte sul clima qu’un trajècte en tren”, çò remarca Lena Donat, de l’associacion Germanwatch, una de las autoras del rapòrt. Aquela associacion tanben demanda l’instauracion d’una taxa sul querosèn.