Actualitats
Los Estats Units tornan dins l’acòrdi de París e a l’OMS
Quatre oras après sa presa de foncions, Joe Biden a signat 17 mesuras per desfar cèrtas politicas polemicas de Trump
Quatre oras après la ceremònia de presa de foncions, lo nòu president dels Estats Units, Joe Biden, s’es mes al trabalh per desfar cèrtas politicas polemicas de son predecessor, Donald Trump. Atal, Biden signèt sul pic 17 mesuras dont lo retorn dels Estats Units dins l'acòrdi de París per ensajar d’arrestar lo cambiament climatic e evitar de quitar l’Organizacion Mondiala de la Santat (OMS).
D’autre caire, a signat l’òrdre de salvagardar l’estatut sonat DACA gràcias al qual cèrts immigrants menors intrats illegalament dins lo territòri pòdon beneficiar d’una moratòria de dos ans sus lor expulsion e de l’eligibilitat per obténer un permés de trabalh. Atal evitarà l’expulsion d’aperaquí 650 000 personas qu’arribèron als Estats Units quand èran enfants. Son coneguts coma “dreamers”, es a dire “somiaires”. Trump ensagèt de cancellar aquel estatut.
Un autre dels decrets ordena d'arrestar la bastison del mur frontalièr amb Mexic, en tot metre fin a l’emergéncia nacionala decretada per Trump e que permetiá de desviar de fonzes devèrs aquel projècte.
En mai d’aquò, a signat un òrdre executiu que demanda lo pòrt de la masca e de complir las mesuras de distanciacion dins las installacions federalas e los mejans de transpòrt interestatals.
D’autre caire, a signat l’òrdre de salvagardar l’estatut sonat DACA gràcias al qual cèrts immigrants menors intrats illegalament dins lo territòri pòdon beneficiar d’una moratòria de dos ans sus lor expulsion e de l’eligibilitat per obténer un permés de trabalh. Atal evitarà l’expulsion d’aperaquí 650 000 personas qu’arribèron als Estats Units quand èran enfants. Son coneguts coma “dreamers”, es a dire “somiaires”. Trump ensagèt de cancellar aquel estatut.
Un autre dels decrets ordena d'arrestar la bastison del mur frontalièr amb Mexic, en tot metre fin a l’emergéncia nacionala decretada per Trump e que permetiá de desviar de fonzes devèrs aquel projècte.
En mai d’aquò, a signat un òrdre executiu que demanda lo pòrt de la masca e de complir las mesuras de distanciacion dins las installacions federalas e los mejans de transpòrt interestatals.
The time to move forward is now. pic.twitter.com/IrUUu0bxGO
— President Biden (@POTUS) January 20, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Molt ben lo Medi Ambien e l'Organizacion Mundiala de la Salut, mas pensa o ben Biden pas de guerras, que la veritat es qu' En Trompeta o faguet malament, mas non se fiquet pas en cap guerra e aissò o faguet molt ben.
#2 Pel moment, Biden es a reintegrar los estats-units als accòrdis internacionals contra la proliferacion nucleara e los missiles de longa portada, qu'aquel se disent "pacific" de Trump volia daissar. Alara, me fau pas d'illusions sus Biden, mès me'n fau pas tanpauc sus Trump, al contrari de vosautre.
#1 Los trumpistas en noveme: Trump que va har anular las eleccions en justícia.
Los trumpistas en deceme: L'armada que va empachar l'investitura de Biden.
Los trumpistas adara: L'armada que va sortir Biden deu poder.
Los trumpistas en 2022: Quauquarren que va aparir.
Los trumpistas en 2023: Quauquarren que va aparir.
Los trumpistas en 2024: Quauquarren que va aparir.
:D :D :D :D
#1 Que cau deishar la dròga...
D'unes dison qu'es Macron amb 35 ans de mai...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari