capçalera campanha

Actualitats

InternacionalSocietat

Philip Crowther: lo jornalista poliglòta ven un fenomèn suls rets socials

Assabentèt de la presa del Capitòli en francés, anglés, espanhòl, portugués, alemand e luxemborgués. A mai, saludèt en catalan a la ceremònia de Biden

Lo jornalista Philip Crowther es vengut fòrça conegut dins los rets socials gràcias a son poliglotisme. Es correspondent d’Associated Press a l’Ostal Blanc e raportèt en dirècte l’assaut del Capitòli de Washington per sièis televisions diferentas e o faguèt en francés, anglés, espanhòl, portugués, alemand e luxemborgués. A mai, Crowther gausèt saludar en catalan, e o faguèt pro plan coma se pòt remarcar dins una saludacremarcarla faguèt dins nòstra lenga sòrre lo jorn de la ceremònia de presa de foncions de Joe Biden.
 
O podètz remarcar, dins aqueste òrdre de lengas, dins los vidèos çai jos.
 
Lo secret de Crowther es, de segur lo don de las lengas e l’amor de la diversitat. A mai, son paire es anglés, sa maire es alemanda, cresquèt en Luxemborg e visquèt un an a Barcelona.
 
 
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
3.

Aquel jornalista es un extraterrèstre dins Françaland. A tot lo mai, un franchimand pòt concebre lo bilingüisme, francés anglés (de farlabica, solide !), abans de venir anglés francés, per tornar a un monolingüisme anglés per primatas primitius, estil trumpistas.

  • 2
  • 0
francesc palma
2.

Tanben en Occitan, s'a de renunciar pas a que tanben sia una lenga d'aqueste programa multilingua. Per que o fassa li an de donar la fonetica fina del temps dels trobadors qu' encara se diu a Monpelhier,Niça, Seta, Aran, Las Landas, Pirineus,....

  • 3
  • 0
Abram Auvernha
1.

Aquelh poliglotisme es pro surprenent ! Sèi totjorn admiratiu dau monde que pòdon passar d'una linga a l'autra coma aquò ! L'autre jorn que dos toristes me damandavan per trobar una adreça, ieu perveniá pas de lur respòndre sens botar de mots occitans dins mas paubras frasas d'anglés... « you just have to take the charrèira on the left »... diable !

  • 9
  • 0

Escriu un comentari sus aqueste article