Actualitats
Decès del paire de la Carta Europèa de las Lengas Regionalas o Minoritàrias
Willy Kuijpers moriguèt en novembre passat. Los mèdias ne parlèron pas gaire
Willy Kuijpers, un celèbre defensor de las minoritats, nos quitèt en novembre passat a 83 ans, victima de la covid-19. Sa mòrt passèt fòrça inapercebuda dins los mèdias. Solament n’avèm trobat d’informacions dins lo setmanièr còrs Arriti e dins la revista Etnismo, del Comitat Internacional per las Minoritats Etnicas (IKEL) qu’assabenta en esperanto.
Kuijpers intrèt en politica en 1970. Foguèt mai d'un còp deputat e senator en Belgica e eurodeputat entre 1984 e 1989, representant lo partit nacional flamenc Volksunie. S’interessava fòrça als autres pòbles e anèt sus plaça per los defendre. Sostenguèt de militants en Catalonha, en Corsega e en Macedònia grèga, demest d’autres. En 1975 l’expulsèron d’Espanha per son sosten al pòble basco e per n’aver arborat lo drapèl, alavetz enebit per la dictatura de Franco.
En 1987, capitèt a far adoptar pel Parlament Europèu una resolucion en favor de las lengas e las culturas minorizadas, çò que fogtuèt la basa de la Carta de las Lengas Regionalas o Minoritàrias, adoptada en 1992 pel Conselh d’Euròpa, uèi signada e ratificada per de nombroses estats mas que França refusa encara de ratificar.
Kuijpers intrèt en politica en 1970. Foguèt mai d'un còp deputat e senator en Belgica e eurodeputat entre 1984 e 1989, representant lo partit nacional flamenc Volksunie. S’interessava fòrça als autres pòbles e anèt sus plaça per los defendre. Sostenguèt de militants en Catalonha, en Corsega e en Macedònia grèga, demest d’autres. En 1975 l’expulsèron d’Espanha per son sosten al pòble basco e per n’aver arborat lo drapèl, alavetz enebit per la dictatura de Franco.
En 1987, capitèt a far adoptar pel Parlament Europèu una resolucion en favor de las lengas e las culturas minorizadas, çò que fogtuèt la basa de la Carta de las Lengas Regionalas o Minoritàrias, adoptada en 1992 pel Conselh d’Euròpa, uèi signada e ratificada per de nombroses estats mas que França refusa encara de ratificar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Willy Kuijpers ? Lo que totes los politicians franceses se'n chautan cap de tot, de la dreita a l'esquèrra ?
Kuijpers s'a mort mas la Carta Europea de las Lengas Minoritarias es pas morta e cal exigir qu' es complesca en França.
Mercé per aquela nòva.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari