L’Union Europèa fa pression sus las societats farmaceuticas per que compliscan lors engatjaments a l'ora de liurar las dòsis de vaccins contra la covid-19, e a avertit qu’utilizariá “totes los mejans legales disponibles” per obligar las societats farmaceuticas coma Pfizer. Dins una entrevista per la ràdio Europe 1, lo president del Conselh Europèu, Charles Michel, a dich que farián “respectar los contractes signats per l’indústria farmaceutica”, e mai aja pas precisat quinas mesuras prendrián e aja evitat de parlar de sancions. “Demandam a las entrepresas un dialòg transparent”, çò a declarat Michel, qu’a exigit de Pfizer “de clartat” sus la seisena dòsi disponibla, que multiplica lo profièch de la societat farmaceutica, e que signèt pel nombre de dòsis vendudas e non pas pel de fiòlas.
 
 
França parla de multas
 
França, totun, si que parla de multas e sancions. Lo secretari d’estat pels afars europèus, Clément Beaune, precisèt sus Europe 1 que s’èra signat “de contractes que devon èsser complits”.
 
 
Itàlia entrepren d’accions legalas
 
De son latz, lo primièr ministre italian, Giuseppe Conte, anoncièt dimenge qu’Itàlia entreprendriá d’accions legalas contra AstraZenece per la reduccion dels vaccins liurats. Tanben o faguèt amb Pfizer e BioNtech per las meteissas rasons. De soslinhar qu’Itàlia poiriá pas aver pro de vaccins per administrar la segonda dòsi que correspond als qu’an ja recebut la primièra.
 
Per contra, lo primièr ministre de Belgica, Alexander De Croo, a declarat que lo camin judiciària “es pas la solucion”.
 
Cossí que siá, la majoritat dels estats de l’Union Europèa an manifestat lor malèsser envèrs las farmaceuticas que respèctan pas los engatjament signats.