Actualitats
Itàlia: Mattarella a entamenat de consultas per encargar la formacion d’un nòu govèrn
Lo president italian vòl trobar abans divendres quin candidat auriá pro de sosten parlamentari per dirigir lo nòu executiu, après la demission de Conte
Lo president de la Republica italiana, Sergio Mattarella, comencèt ièr dimècres una tièra de consultas per encargar la formacion d’un nòu govèrn. Après la demission del primièr ministre, Giuseppe Conte, Mattarella vòl trobar abans divendres quin candidat auriá pro de sosten parlamentari per dirigir lo nòu executiu. Mattarella parlèt ièr amb los presidents de la Cambra dels Deputats e del Senat, e uèi e deman parlarà amb los grops parlamentaris.
De son costat, Conte a repres sos contactes per començar de trabalhar en un “Govèrn per la salvacion nacionala”, presidit per el meteis e amb de membres qu’”ajan dins lo còr lo destin de la Republica”, çò anoncièt dimars suls rets socialas, après presentar sa demission per manca de sosten parlamentari. En responsa a la crida de Conte, s’es bastit al Senat un grop de dètz senators sonats “Europeïstas”, qu’inclutz d’èx-membres del Movement 5 Estelas e del grop mixte e que seriá lèst per sosténer un eventual tresen govèrn de conte.
Pasmens, aquel sosten bastar pas per assegurar l’espelida d’un nòu govèrn. Es per que los agaches son ara sus la formacion Itàlia Viva, de Matteo Renzi, que forcèt la setmana passada aquesta crisi de govèrn en retirar sas doas ministras de l’executiu de Conte per protestar contra la gestion dels fonzes de recuperacion economica de l’UE.
De lor caire, los partits de la drecha Anem Itàlia, Fraires d’Itàlia e la Liga anoncièron que se presentarián amassa a las convèrsas amb Mattarella per exprimir una posicion unica. Lo cap d’Anem Itàlia, Silvio Berlusconi, s’es mostrat disponible per constituir un govèrn que represente “l’unitat substanciala del país a un moment d’emergéncia”, mas sos sòcis de coalicion preferisson que se convòque d’eleccions anticipadas, car los sondatges lor son favorables.
La decision de Mattarella se poiriá anonciar dissabte de matin.
De son costat, Conte a repres sos contactes per començar de trabalhar en un “Govèrn per la salvacion nacionala”, presidit per el meteis e amb de membres qu’”ajan dins lo còr lo destin de la Republica”, çò anoncièt dimars suls rets socialas, après presentar sa demission per manca de sosten parlamentari. En responsa a la crida de Conte, s’es bastit al Senat un grop de dètz senators sonats “Europeïstas”, qu’inclutz d’èx-membres del Movement 5 Estelas e del grop mixte e que seriá lèst per sosténer un eventual tresen govèrn de conte.
Pasmens, aquel sosten bastar pas per assegurar l’espelida d’un nòu govèrn. Es per que los agaches son ara sus la formacion Itàlia Viva, de Matteo Renzi, que forcèt la setmana passada aquesta crisi de govèrn en retirar sas doas ministras de l’executiu de Conte per protestar contra la gestion dels fonzes de recuperacion economica de l’UE.
De lor caire, los partits de la drecha Anem Itàlia, Fraires d’Itàlia e la Liga anoncièron que se presentarián amassa a las convèrsas amb Mattarella per exprimir una posicion unica. Lo cap d’Anem Itàlia, Silvio Berlusconi, s’es mostrat disponible per constituir un govèrn que represente “l’unitat substanciala del país a un moment d’emergéncia”, mas sos sòcis de coalicion preferisson que se convòque d’eleccions anticipadas, car los sondatges lor son favorables.
La decision de Mattarella se poiriá anonciar dissabte de matin.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Formar un "nòu govèrn" ? Apelariá "nòu", ieu, un govèrn qu'enfin non seriá mai ultraliberal mondialista e que fixariá limitas estrictas a l'enriquiment dels mai rics, a de fins d'estrictas e plan visiblas solidaritats socialas… Fins a aiçò, res de nòu jol solelh… Sonque govèrna la fòrça financiària d'un ponherat als despenses de lmai grand nombre. Ni mai, ni mens.
#1 los occitans de las Valadas volèm que se parle de política italiana en aqueste moment
2 articles / 13 end'evocar Occitània dens Jornalet, uèi...
la conscientizacion dau puple occitan avança a grandas camadas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari