Catòrze deputats de divèrses grops de l’Assemblada Nacionala francesa an publicat un article dins lo jornal Le Monde que critica la passivitat de l’Union Europèa envèrs la repression de l’estat espanhòl contra l’independentisme catalan. “L’Union Europèa se voldrà agachar dins lo miralh de l’estat de drech que lo li tend Catalonha?” es lo títol de l’article, que los deputats, de formacions coma lo Partit Socialista, La França Insomesa, los grops de l’Esquèrra Democrata e Republicana, la Republica en Marcha, lo Modèm e Libertat e Territòris, soslinhan que “la justícia europèa sembla d’èsser un bloquièr protector pels dirigents catalans”, coma per exemple dins lo recent refús per Belgica de l’extradicion de Lluís Puig o lo refús de l’extradicion de Puigdemont de part d’Alemanha en 2018. Mas per contra, çò apondon, “l’UE e sos caps d’estat an preferit fins ara d’agachar devèrs a un autre costat, amb l’excusa que se posicionar sus Catalonha riscariá de fracturar Espanha”.
 
Pasmens, considèran qu’“uèi aquela fractura existís ja”, e que “contunhar d’agachar endacòm mai pòt soscavar lo cabal democratic e la posicion de l’Union Europèa coma gardiana imparciala de l’estat de drech”. E dison aquò en tot recordar l’enjòc important que significan las denóncias contra Carles Puigdemont, Toni Comín e Clara Ponsatí que s’examinan al Parlament Europèu. Los deputats franceses s’interrògan: “Se los eurodeputats, jos una intensa pression politica, levèsson l’immunitat parlamentària de Puigdemont, Comín e Ponsatí, après aver abandonat Oriol Junqueras al sòrt que lo li a reservat la justícia espanhòla, que significariá aquò?”
 
Per aqueles catòrze deputats, Puigdemont, Comín e Ponsatí “representan totes los ciutadans franceses coma o fan Nathalie Loiseau, Yannick Jadot, Jordan Bardella, François-Xavier Bellamy, Raphaël Glucksmann o Manon Aubry”, car tanlèu èsser elegits representan totes los ciutadans de l’Union Europèa.
 
Avertisson del perilh que lèven l’immunitat dels tres èurodeputats catalans en exili. “I a lo perilh de non voler pas examinar la situacion catalana segon la lei, mas segon d’autres critèris fòrça mai politics. D’en primièr, i a lo perilh de descreditar la Cort de Justícia de l’Union Europèa, engatjada dins las ajudas financièras per combatre la crisi de la covid-19 e l’estat de drech en Ongria e Polonha. A mai, i a lo sentiment dolorós dels dos peses, doas mesuras que se poiriá refortir”.
 
Per aquelas rasons demandan a la classa politica francesa e europèa en general que cluque pas los uèlhs fàcia a aquelas agressions, e mençonan pereu lo fach que la Cort Suprèma espanhòla aja destituit lo president de la Generalitat Quim Torra per desobesissença, çò qu’a precipitat l’avançament de las eleccions regionalas. Perque remembran que “las duras condemnacions d’entre nòu e tretze ans de preson per sedicion, e l’intransigéncia de Madrid a l’ora de las aplicar, illustran l’estat del dialòg entre lo govèrn espanhòl e lo govèrn catalan”.
 
Los signataris de l’article son: Jean-Félix Acquaviva (Libertats e Territòris), Clémentine Autain (LFI), Moetai Brotherson (Esquèrra Democrata e Republicana), Marie-George Buffet (Esquèrra Democrata e Republicana), Michel Castellani (Libertats e Territòris), Annie Chapelier (Agir Ensems), Paul-André Colombani (Libertats e Territòris), Frédérique Dumas (Libertats e Territòris), Régis Juanico (Partit Socialista) Yannick Kerlogot (LRM), Paul Molac (Libertats e Territòris), Sébastien Nadot (independent), Richard Ramos (Modèm), Bénédicte Taurine (LFI).
 
 
 

#Catalogne
Au cas où cela vous aurait échappé @dreynders@AdrianVL1982@CiolosDacian@vonderleyen@EP_President@eucopresident

Aujourd’hui dans @lemondefrhttps://t.co/5ZslKpBzk8

— Ana Coelho  (@AnaCoelhoBXL) January 27, 2021

 
 

En effet, si l'UE continue à détourner le regard par rapport à la Catalogne, elle risque fort d’entamer son capital démocratique et sa position de vigie impartiale de l’Etat de droit. Merci aux députés qui ont eu le courage de le dénoncer sur @lemondefrhttps://t.co/lUaKfYNFAY

— Jordi Solé (@jordisolef) January 27, 2021

 

"L’UE voudra-t-elle se regarder dans le miroir de l’Etat de droit que lui tend la Catalogne ?"
14 députés s’alarment, dans une tribune au @lemondefr, du fait que la justice ESP bafoue les traités européens, en demandant l’extradition de 3 eurodéputés CAThttps://t.co/2J9uJXXO59pic.twitter.com/d6kaaHSG8d

— Xavier Bescós (@XBescos) January 27, 2021