Ièr de matin, a l’entorn d’8h30, un òme intrèt dins una agéncia de Pòl Emplec de Valença (Bas Daufinat) e tirèt dins lo pitre d’una conselhièra de 53 ans, en la tuant. Puèi tornèt prene sa veitura, trespassèt Ròse e se gandiguèt dins la vila vivaresa de Guilherand-Granjas per anar dins una entrepresa de veïculs de collectatge de curum, ont auriá trabalhat, segon lo jornal Libération. Volguèt parlar amb un quadre e finiguèt qu’abatèt una emplegada de 51 ans, que seriá una directritz de las ressorsas umanas. Aquela dòna moriguèt tanben. Enfin, mentre que fugissiá en veitura, percutiguèt un veïcul de polícia, que l’arrestèt.
 
Ara per ara, se desconeis precisament lo motiu del doble murtre. L’agressor es un engenhaire de 45 ans originari de Nancy (Lorena), sens emplec dempuèi 2013, que sembla de practicar lo tir esportiu.
 

#Valence, #France
An armed man has reportedly shot a woman who worked as an adviser for the #PôleEmploi agency. The same man is believed to have fatally injured another woman in the Ardèche department later in the day, according to a source
https://t.co/tj0GRZ139Q#Breakingpic.twitter.com/LLYtHdeWaQ

—  Sarwar (@ferozwala) January 28, 2021