Actualitats
Shell deurà pagar per sos escampaments de petròli dins lo dèlta de Nigèr
La justícia neerlandesa acusa de la destruccion de l’environament e del biais de viure de las comunautats localas la filiala nigeriana de la societat petrolièra
Après quinze ans d’escampaments, e tretze de lucha, tres comunautats del dèlta del flume Nigèr seràn compensadas per la destruccion de lor environament. La justícia neerlandesa a considerat que la societat Shell es “responsabla” d’escampaments de petròli e que deurà pagar d’indemnitats. Lo procès foguèt començat per quatre agricultors nigerians que presentèron en 2008 una denóncia contra la societat petrolièra.
La Cort d’Apelacion neerlandesa a donat rason a l’organizacion neerlandesa Milieudefensie, que representa los denonciaires davant la justícia dels Païses Basses. Pasmens, los jutges an considerat qu’es pas la societat maire, amb son sèti a l’Aia, qu’es responsabla de la pollucion, mas sa filiala en Nigèria.
L’importància d’aquesta senténcia es que crèa un precedent per que los autres ciutadans victimas d’aquela pollucion sián compensats, e mai mòstra que de ciutadans de païses empaurits pòdon far respectar lors dreches.
Lo procès comencèt en 2008 de l’iniciativa d’Eric Dooh, d’Elder Friday, d’Alali Efanga e de Chief Fidelis, quatre agricultors del parçan que faguèron lor denóncia contra lo gigant petrolièr. An patit quinze annadas de fanga negra sens pèsca ni recòltas. Dins lo procès, la companhiá Shell a totjorn argumentat qu’es pas ela lo responsable dels escampaments, mas de panaires de petròli que traucan los oleoductes.
La Cort d’Apelacion neerlandesa a donat rason a l’organizacion neerlandesa Milieudefensie, que representa los denonciaires davant la justícia dels Païses Basses. Pasmens, los jutges an considerat qu’es pas la societat maire, amb son sèti a l’Aia, qu’es responsabla de la pollucion, mas sa filiala en Nigèria.
L’importància d’aquesta senténcia es que crèa un precedent per que los autres ciutadans victimas d’aquela pollucion sián compensats, e mai mòstra que de ciutadans de païses empaurits pòdon far respectar lors dreches.
Lo procès comencèt en 2008 de l’iniciativa d’Eric Dooh, d’Elder Friday, d’Alali Efanga e de Chief Fidelis, quatre agricultors del parçan que faguèron lor denóncia contra lo gigant petrolièr. An patit quinze annadas de fanga negra sens pèsca ni recòltas. Dins lo procès, la companhiá Shell a totjorn argumentat qu’es pas ela lo responsable dels escampaments, mas de panaires de petròli que traucan los oleoductes.
Finally, three oil impacted communities in the Niger Delta will be compensated by @Shell for the destruction of community lives and livelihoods.
— Media Awareness and Justice Initiative (MAJI) (@MediaMaji) January 29, 2021
Today is a day of hope. pic.twitter.com/el4C8QJc99
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Repausatz en patz Bambo N'djimba, Dadaoui N'dara e son fraire Seseba N'dara, Soko Toko, Bira N'tiro, Jaoui Tatane e Sosaka Misombo subretot que foguèron de bons gents d'aquela comunautat pròches de mon còr e partits ben tròp lèu durant aquelos versaments... plori cada jorns sus lor sòrt, pecaire... ara es l'ora de metre fin a aquelas destruccions de l'environament que fan de mal als pòbles inocents.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari